સફળતા / J&K: કુલગામમાં અથડામણ, સુરક્ષાબળે એક આતંકીને ઠાર માર્યો

સેનાનું સર્ચ ઓપરેશન અભિયાન તેજ થવા પર આતંકીઓએ ફાયરિંગ શરૂ કર્યું, ત્યારબાદ સેનાએ ફાયરિંગ સામે જવાબી કાર્યવાહી કરતા અથડામણ થઇ હતી. સેના અને આતંકીઓ વચ્ચેની અથડામણમાં એક આતંકી ઠાર મરાયો છે. સેના-આતંકીઓ વચ્ચેની અથડામણને ધ્યાનમાં લઇને આ વિસ્તારમાં ઇન્ટરનેટ સેવા બંધ કરી દેવામાં આવી છે.

ઉલ્લેખનીય છે કે એક અઠવાડિયા અગાઉ કુલગામમાં સેના સાથેની અથડામણમાં હિઝબુલ મુજાહિદ્દીનના બે આતંકી ઠાર મરાયા હતા. આમ જમ્મૂ-કશ્મીરના કુલગામમાં સેના અને આતંકીઓ વચ્ચે અથડામણ થઈ. આ અથડામણમાં સેનાને એક આતંકી ઠાર મારવામાં મોટી સફળતા મળી છે.

કુલગામમાં બેથી ત્રણ આતંકીઓ છૂપાયા હોવાની આશંકા બાદ સુરક્ષાબળે સમગ્ર વિસ્તારને ઘેર્યો હતો અને આતંકીઓનો ખાતમો બોલાવવા માટે કાર્યવાહી હાથ ધરી હતી. આ કાર્યવાહીમાં સેનાએ એક આતંકીને ઠાર માર્યો છે. જ્યારે અન્ય આંતકીઓ છૂપાયા હોવાની આશંકાના પગલે સેનાએ સમગ્ર વિસ્તારમાં સર્ચ ઓપરેશન હાથ ધર્યું છે અને આતંકીઓનો ખાતમો બોલાવવા માટે કાર્યવાહી હાથ ધરી છે.