નિવેદન / મીકા સિંહ પર પ્રતિબંધ હટ્યો, કહ્યુ - 'મારી મરજી જ્યાં શો કરું'

સિંગર મીકા સિંહે બુધવારે પ્રેસ કોન્ફરન્સ કરીને પાકિસ્તાનમાં કોન્સર્ટ કરવાને લઇને માફી માંગી છે, જે પછી ઑલ ઇન્ડિયા સિન વર્કર એસોસિએશન (AICWA) અને ફેડરેશન ઑફ વેસ્ટર્ન ઇન્ડિયા સિને એમ્પ્લોઝ (FWICE)એ મીકા પર લાગેલો પ્રતિબંધ હટાવી દીધો છે. 

મિકાએ સોશ્યલ મીડિયા પર પોતાની ખુશી વ્યક્ત કરતાં લખ્યું કે, ‘મને જણાવતા ખુશી થાય છે કે FWICEના ઓફિશિયલ્સને મળ્યા બાદ તેમણે મારા પર લગાવેલો પ્રતિબંધ પાછો ખેંચી લીધો છે. હું દરેકનો આભારી છું. જય હિન્દ.’

Hey guys I’m very happy to announce that After meeting the #FWICE officials They have revoked the ban . I’m grateful to all .. Jai hind ... pic.twitter.com/b1sci3jEPi

— King Mika Singh (@MikaSingh) August 21, 2019

આ  સિવાય મીકા સિંહે પ્રેસ કોન્ફરન્સમાં મીડિયા સાથે વાત કરતા કહ્યુ કે,''હું તમામની માફી માંગું છું અને આગળથી આવી ભૂલ નહી થાય. '' તેણે આગળ કહ્યુ કે, ''જો કોઇને વીઝા મળશે, તો તે જશે. તમને મળશે તો તમે પણ જશો. મને મળ્યા અને હું ગયો. હું બહુ પહેલા મારા ક્લાયન્ટ પ્રોમિસ આપી ચૂક્યો હતો. જોકે મારો ટાઇમિંગ ખોટો હતો કેમકે આર્ટિકલ 370ને લઇને સરકારનો નિર્ણય આવી ગયો.''

આ મીડિયા પ્રેસ કોન્ફરન્સમાં  FWICE અધ્યક્ષ હતા. તેમણે કહ્યુ કે, ''અમે એક પત્ર લખ્યો હતો જેમાં મીકા પર પ્રતિબંધ લગાવાની વાત કરી હતી. જે પછી મીકા અમને પત્ર લખીને વિનંતી કરી કે તેની વાત સાંભળવામાં આવે. મીકાને પોતાની ભૂલનો અહેસાસ છે. અમે એક મીટિંગ કરીને મીકાની વાત સાંભળી.''

જોકે આ પ્રેસ કોન્ફરન્સમાં મીકાએ સોનુ નિગમ અને નેહા ક્કકર પર નિશાનો સાધ્યો. મીકાએ કહ્યુ કે, ''નેહા કક્કર અને સોનૂ નિગમ જેવા ઘણા સ્ટાર્સ પાકિસ્તાની સિંગર આતિફ અસલમ સાથે પાકિસ્તાનમાં કાર્યક્રમમાં કરે છે, તેમ છતાં તેમના પર કોઇ સવાલ કરવામાં આવતો નથી. મારા નામ પર પબ્લિસિટી કરવામાં આવે છે.''

આ કોન્ફરન્સમાં જ્યારે મીકાને પૂછવામાં આવ્યુ કે, ''તે પાકિસ્તાની કોન્સર્ટમાં મળેલા રૂપિયાનું શું કરશે?'' તો મીકા કોન્ફરન્સ છોડીને ચાલી ગયો અને જતા-જતા કહ્યુ કે, ''મારી મરજી જ્યાં શો કરું.''

શું હતો વિવાદ:

થોડાં દિવસ પહેલાં મીકા સિંહનો એક વીડિયો સામે આવ્યો હતો. વીડિયોમાં સિંગર પૂર્વ રાષ્ટ્રપતિ જનરલ પરવેઝ મુશર્રફના સંબંધીના લગ્નમાં પર્ફોર્મ કરતો જોવા મળ્યો હતો. આ વીડિયો સામે આવ્યા બાદ યુઝર્સે મીકાના પર્ફોર્મન્સ પર ગુસ્સો વ્યક્ત કર્યો હતો અને તેને ટ્રોલ પણ કર્યો હતો. આટલું જ નહીં ફિલ્મ ઈન્ડસ્ટ્રીઝમાંથી મીકાને બૅન કરી દેવામાં આવ્યો હતો.