માઇક્રોસોફટની વિન્ડોઝ 10 ઓપરેટીંગ સિસ્ટમમાં છેલ્લા કેટલાક સમયથી અનેક સમસ્યાઓ સર્જાઇ રહી છે. વિન્ડોઝ 10 અત્યારે ડેન્જર ઝોનમાં છે. હવે માઇક્રોસોફટે વિન્ડોઝ 10ના યુઝર્સને ચેતવણી આપી છે કે વિન્ડોઝના લેટેસ્ટ અપડેટ KB4501375 થી વિન્ડોઝ પ્લેટફોર્મના રિમોટ એકસેસ કનેકશન મેનેજર (RASMAN) બ્રેક થાય છે.
ખાસ કરીને વીપીએન RASMAN વિન્ડોઝ 10 ઇન્ટરનેટ કનેકશન અને વીપીએનના બેકગ્રાઉન્ડ ટાસ્કને હેન્ડલ કરે છે.
પ્રાઇવેસી માટે વધુને વધુ લોકો વીપીએનનો ઉપયોગ કરે છે ત્યારે વિન્ડોઝના આ ગંભીર બગથી લાખો યુઝર્સ પરેશાન થઇ શકે છે. લોકો યુટયુબ અને નેટફલીકસની લાયબ્રેરી અનલોક કરવા પણ વીપીએનનો યૂઝ કરે છે. જોકે માઇક્રોસોફટે સ્પષ્ટતા કરી છે કે આ સમસ્યા ફકત વિન્ડોઝ 10 ના લેટેસ્ટ પ્લેટફોર્મ વર્ઝન 1903 પુરતી સીમિત છે. આવુ વર્ઝન ધરાવતા 5 કરોડ યુઝર્સ છે. ઉલ્લેખનીય છે કે દુનિયાભરમાં 80 કરોડ લેપટોપ અને પીસીમાં વિન્ડોઝ 10 છે.
માઇક્રોસોફટે જો કે હજુ વર્ઝન 1903નો પ્રોબ્લેમ કયારે સોલ્વ થશે તે અંગે કોઇ ટાઇમલાઇન આપી નથી. બીજી બાજુ માઇક્રોસોફટ વિન્ડોઝ 7ના યુઝર્સ વિન્ડોઝ 10માં અપડેટ થાય તે માટે પ્રયાસ કરે છે. કેમ કે 2020થી વિન્ડોઝ 7ને માઇક્રોસોફટનો કોઇ સપોર્ટ કે સિકયોરિટી અપડેટ નહીં મળે.
અત્રે ઉલ્લેખનીય છે કે વિન્ડોઝ 10ના અનેક યુઝર્સે લોગીનની સમસ્યાની પણ ફરીયાદ કરી રહ્યા છે. જયારે લેપટોપ કે પીસીમાં યુઝર તેનો પાસવર્ડ નાખે ત્યારે તે સાચો હોય તો પણ તે ઇન્કરેકટ બતાવે છે. માઇક્રોસોફટના આઇડીનો ઉપયોગ કરીને યુઝર પાસવર્ડ ચેન્જ કરે તો પણ પ્રોબ્લેમ ઉકેલાતો નથી.