ઓટો / TATA ને ટક્કર આપવા ભારતની સૌથી સસ્તી ઈલેક્ટ્રિક કાર લાવશે MG, જોરદાર ફીચર્સ સાથે જાણૉ શું હશે કિંમત

• Tata Tiago EVથી પણ વધુ સસ્તી ઇલેક્ટ્રિક કાર જલ્દી બજારમાં કરશે એન્ટ્રી 
• થોડા સમય પહેલા દેશમાં તેનું ટેસ્ટિંગ શરૂ થઈ ગયું છે
• આ ઈલેક્ટ્રિક કાર હાલ ચીનમાં વહેંચાય છે

ટાટા મોટર્સ દ્વારા ગયા મહિને જ લોન્ચ કરવામાં આવેલ ઇલેક્ટ્રિક કાર Tata Tiago EV આ સમયે દેશની સૌથી સસ્તી ઇલેક્ટ્રિક કારમાંથી એક છે. આ ઇલેક્ટ્રિક કારની શરૂઆતની કિંમત 8.49 લાખ રૂપિયા છે. પણ હવે ભારતીય બજારમાં તેનાથી પણ સસ્તી ઇલેક્ટ્રિક કાર એન્ટ્રી કરવા જઈ રહી છે. આજે અમે તમને એ જ કાર વિશે જણાવવા જઈ રહ્યા છીએ. 

શરૂ થઈ ગયું છે ટેસ્ટિંગ
MG Motors જલ્દી જ તેની નવી ઈલેક્ટ્રિક કારને ભારતમાં લોન્ચ કરી શકે છે. એક રિપોર્ટ અનુસાર MG મોટર્સ તેની વૂલિંગ એર ઇલેક્ટ્રિક કારને દેશની સૌથી સસ્તી ઇલેક્ટ્રિક કાર તરીકે જલ્દી જ લોન્ચ કરી શકે છે. જણાવી દઈએ કે થોડા સમય પહેલા દેશમાં તેનું ટેસ્ટિંગ શરૂ થઈ ગયું છે. 

કેટલી હશે રેન્જ?
કહેવાતી દેશની સૌથી સસ્તી ઇલેક્ટ્રિક કારની બેટરી ક્ષમતા વિશે હાલ કોઈ જાણકારી મળી નથી .પણ તમને જણાવી દઈએ કે તેના ચાઇના સ્પેક વર્ઝનમાં એક 30KW બેટરી પેક મળે છે, જે 40 hp પાવર જનરેટ કરે છે. અને એક 50 kW બેટરી પેક મળે છે જે 67hp પાવર જનરેટ કરે છે. જણાવી દઈએ કે આ કાર 200 થી 300 કિમીની રેન્જ આપે છે. 

કેવી હશે કારની ડિઝાઇન?
એક મીડિયા રિપોર્ટ્સ અનુસાર આ કારની ડિઝાઇન એટલે કે તેનો આકાર મારુતિની અલ્ટો કરતા પણ નાનો હશે. તેને કંપની ગ્લોબલ સ્મોલ ઇલેક્ટ્રિક વ્હીકલ પ્લેટફોર્મ પર બનાવે છે. હાલ ચીનમાં આ કારના બે વેરિઅન્ટ વહેંચાય છે, જે સ્ટાન્ડર્ડ વ્હીલ બેસ અને લોંગ વ્હીલ બેસ સાથે આવે છે. ખાસ જણાવી દઈએ કે ચીનમાં વહેંચાતા આ વેરિયન્ટમાં સ્ટાન્ડર્ડ વ્હીલ બેસ વર્ઝનને 2-સીટર અને લાંબા વ્હીલ બેસ વર્ઝનને 4-સીટર તરીકે બનાવવામાં આવ્યું છે.  

Upcoming MG small electric car for 🇮🇳 spied testing

Video - Suraj Suprabhan pic.twitter.com/vskc61N9jM

— RushLane (@rushlane) October 6, 2022

ચીનમાં વહેંચાય છે વૂલિંગ એર ઇલેક્ટ્રિક કાર 
MGની આ ઈલેક્ટ્રિક કાર ચીનમાં પણ વહેંચાય છે અને MG ભારતમાં ટૂંક સમયમાં તેને કેટલાક ફેરફારો સાથે લોન્ચ કરી શકે છે.