ચૂંટણી / કેરળ ભાજપ પ્રમુખની જાહેરાત, 88 વર્ષના 'મેટ્રોમેન' ઇ શ્રીધરન હશે ભાજપનો મુખ્યમંત્રી પદનો ચહેરો

• ઇ શ્રીધરન ભાજપના મુખ્યમંત્રી પદના ઉમેદવાર 
• કેરળ ભાજપ પ્રમુખ કે. સુરેન્દ્રને કરી મોટી જાહેરાત 
• દક્ષિણના રાજ્યોમાં વિસ્તરવાની છે ભાજપની યોજના

આ અગાઉ, ભારતીય જનતા પાર્ટીના રાજ્ય એકમ દ્વારા બુધવારે આ વર્ષે માર્ચ-એપ્રિલમાં યોજાનારી કેરળ વિધાનસભાની ચૂંટણી માટે 16 સભ્યોની રાજ્ય ચૂંટણી સમિતિની રચના કરવામાં આવી હતી, જેમાં 'મેટ્રોમેન' ઇ શ્રીધરન સભ્ય તરીકે સામેલ છે. ભાજપના પ્રદેશ પ્રમુખ કે.આર. સુરેન્દ્રને એક નિવેદનમાં જણાવ્યું છે કે, પાર્ટીના રાષ્ટ્રીય અધ્યક્ષ જે.પી.નડ્ડાની મંજૂરીથી 16 સભ્યોની સમિતિ બનાવવામાં આવી છે.હાલમાં ચૂંટણી માટેના ઉમેદવારોની પસંદગીની પ્રક્રિયા આગળ વધી રહી છે. 

અમિત શાહ કેરળના પ્રવાસે જનાર છે

તે જ સમયે, 7 માર્ચે કેન્દ્રીય ગૃહ પ્રધાન અમિત શાહ રાજ્યની મુલાકાતે આવનાર છે અને રાજ્યમાં ભાજપની ચાલી રહેલી 'વિજય યાત્રા' ના સમાપન સમારોહમાં હાજરી આપશે.ઇ શ્રીધર કેરળમાં વિધાનસભાની ચૂંટણીની તારીખોની ઘોષણા પહેલા પાર્ટીમાં જોડાયા હતા. મેટ્રો મેન ઇ શ્રીધરનના ભાજપમાં જોડાવાનું કેરળની ચૂંટણીમાં પાર્ટીની મોટી સિદ્ધિ માનવામાં આવે છે. મેટ્રો મેન તરીકે જાણીતા, શ્રીધરનની છબી એક સ્વચ્છ અમલદારની છે, જો કે શ્રીધરને પીએમ મોદીને દેશના સૌથી લાયક નેતામાંના એક ગણાવ્યા હતા.

શ્રીધરનને દિલ્હીના વિકાસનું પ્રતીક માનવામાં આવે છે

ઇ શ્રીધરનને દિલ્હીના વિકાસના સિમ્બોલ તરીકે જોવામાં આવે છે, જેમણે દિલ્હી મેટ્રોને નવી ઊંચાઈ આપી હતી. આ સિવાય તેણે કોલકાતા મેટ્રોનું સ્ટ્રક્ચર પણ તૈયાર કર્યું હતું. ઇ. શ્રીધરનને પદ્મશ્રી અને પદ્મ વિભૂષણથી સન્માનિત કરવામાં આવ્યા છે. વ્યવસાયે તેઓ સિવિલ એન્જિનિયર છે તેનો જન્મ કેરળના પલક્કડના પટમ્બીમાં 12 જૂન 1932 માં થયો હતો. તેના પ્રારંભિક અભ્યાસ પલક્કડના બેસલ ઇવાન્જેલિકલ મિશન ઉચ્ચતર માધ્યમિક શાળામાં થયો, આ પછી તેમણે પાલઘાટની વિક્ટોરિયા કોલેજમાંથી સ્નાતકનો અભ્યાસ કર્યો અને આંધ્રપ્રદેશના કાકીનાડાની સરકારી ઇજનેરી કોલેજમાંથી સિવિલ એન્જિનિયરિંગની ડિગ્રી મેળવી. 

'Metro Man' E Sreedharan (in file photo) will be BJP's Chief Minister candidate in the upcoming #KeralaAssemblyElections2021: State BJP chief K Surendran pic.twitter.com/EgQVQ5RSQi

— ANI (@ANI) March 4, 2021

રાજ્યમાં પાર્ટીનો વિજય લક્ષ્ય હશે: શ્રીધરન

21 ફેબ્રુઆરીએ ભાજપમાં જોડા્યા પછી, ઇ શ્રીધરને કહ્યું હતું કે, "મારું મુખ્ય લક્ષ્ય કેરળમાં પાર્ટીને સત્તામાં લાવવામાં મદદ કરવાનું છે." તેમણે કહ્યું કે જો પાર્ટી જીતે છે, તો તેઓ રાજ્યના મુખ્ય પ્રધાન બનવા માટે તૈયાર હશે અને જો તેમને આ પદ મળશે તો તેમનો ભાર રાજ્યમાં માળખાગત સુવિધા વિકસાવવા પર રહેશે.જો તે જીતે તો પાર્ટીનું ધ્યાન રાજ્યમાં મોટા પાયે ઈન્ફ્રાસ્ટ્રક્ચર વિકસાવવા અને રાજ્યને દેવાની જાળમાંથી મુક્ત કરવા પર કેન્દ્રિત કરવામાં આવશે.

કેમ છે મેટ્રો મેન તરીકે જાણીતા

વર્ષ 1987 માં તેની બઢતી મળી અને પશ્ચિમ રેલ્વેમાં તેમને જનરલ મેનેજર બનાવવામાં આવ્યા. આ પછી તેમને 1989 માં રેલ્વે બોર્ડના સભ્ય બનાવવામાં આવ્યા હતા અને 1990 માં નિવૃત્તિ લેતા પહેલા તેમને કોંકણ રેલ્વેના ચીફ મેનેજિંગ ડિરેક્ટરનું પદ આપવામાં આવ્યું હતું. કોંકણ રેલ્વેએ આ પછી ઘણા રેકોર્ડ બનાવ્યા. આ પછી, 1997 માં, તે દિલ્હી મેટ્રો રેલ કોર્પોરેશનના મેનેજિંગ ડિરેક્ટર બન્યા. તેમના નેતૃત્વ હેઠળ, ડેટલાઈન અંતર્ગત દિલ્હી મેટ્રોમાં ઘણા કામ સફળતાપૂર્વક કરવામાં આવ્યા હતા, જેના પછી તેઓ મેટ્રો મેન તરીકે જાણીતા થયા.

ઘણા સન્માન પણ તેમના નામે છે

દિલ્હી મેટ્રોથી નિવૃત્ત થયા પછી, તેઓ કોચ્ચી મેટ્રો અને લખનઉ મેટ્રોના મુખ્ય સલાહકાર બનાવવામાં આવ્યા. તેણે જયપુર મેટ્રોના સલાહકાર તરીકે કામ કર્યું છે. ઇ શ્રીધરન સમય કરતાં પહેલાં દિલ્હી મેટ્રો સહિતનો પ્રથમ ફ્રેટ કોરિડોર ચલાવવા માટે ખ્યાતિ મેળવી ચૂક્યા છે. તેમને વર્ષ 2001 માં પદ્મશ્રી અને વર્ષ 2008 માં પદ્મવિભૂષણ એવોર્ડથી નવાજવામાં આવ્યા છે. એટલું જ નહીં, ફ્રેન્ચ સરકારે ઇ. શ્રીધરનને વર્ષ 2005 માં તેનો સર્વોચ્ચ નાગરિક સન્માન પણ આપ્યો છે. તે જ સમયે, શ્રીધરનને અમેરિકાની વિશ્વ વિખ્યાત મેગેઝિન ટાઇમ મેગેઝિન દ્વારા એશિયા હિરોનું બિરુદ આપવામાં આવ્યું હતું.