આગાહી / હવામાન નિષ્ણાત અંબાલાલ પટેલે વરસાદને લઈને કરી મોટી આગાહી, ગુજરાતમાં આ તારીખે ભારે વરસાદ પડવાની સંભાવનાઓ

• રાજ્યમાં સારા વરસાદના સંકેત
• વરસાદને લઇને અંબાલાલ પટેલની આગાહી
• રાજ્યના ક્યા ભાગમાં કેવો રહેશે વરસાદ?

ગુજરાતમાં વરસાદ ખેંચાતા જળસંકટ ઊભુ થાય તેવી સ્થિતિ જોવા મળી રહી છે જો વરસાદ નહી પડે તો ખેડૂતોનો પાક નિષ્ફળ જવાની ભિતિ સેવાઈ રહી છે ત્યારે ગુજરાતમાં વરસાદને લઈને સારા સમાચાર આવી રહ્યા છે. 

 

બંગાળમાં ઉપસાગરનું વહન સક્રિય થયું: અંબાલાલ પટેલ

રાજ્યમાં વરસાદને લઈ અંબાલાલ પટેલે આગાહી કરતા જણાવ્યું છે કે બંગાળમાં ઉપસાગરનું વહન સક્રિય થયું છે જેથી 29 ઓગસ્ટથી દેશના મધ્યભાગમાં ચોમાસું સક્રિય થાય તેવું વર્તાઈ રહ્યું છે. આમ સપ્ટેમ્બરના શરૂઆતમાં દેશમાં 90 ટકા વિસ્તારમાં વરસાદ પડી શકે છે.

 

29 ઓગસ્ટથી દેશના મધ્યભાગમાં ચોમાસુ સક્રિય થયું: અંબાલાલ

29 થી 31 ઓગસ્ટ દરમિયાન રાજ્યમાં સારો વરસાદ પડે તવું અનુમાન સેવવામાં આવ્યું છે. હવામાન નિષ્ણાંત અંબાલાલ પટેલના જણાવ્યા અનુસાર 29 ઓગસ્ટથી રાજ્યના હવામાનમાં પટલો આવશે જે બાદ 6 સપ્ટેમ્બરથી મધ્ય ગુજરાતમાં સારો વરસાદ પડે તેવી આગાહી વ્યક્ત કરવામાં આવી છે. જ્યારે કોઈ કોઈ ભાગોમાં વરસાદી ઝાપટા પડી શકે છે. 

 

સપ્ટેમ્બરના શરૂઆતમાં દેશના 90 ટકા વિસ્તારમાં વરસાદ પડશે

હવામાન નિષ્ણાંત અંબાલાલે ઉત્તર ગુજરાતમાં 30 અને 31 ઓગસ્ટે હવામાનમાં પલટો આવી શકે તેવું કહેવામાં આવી રહ્યું છે. તો 3 થી 10 સપ્ટેમ્બર સુધી કેટલાક વિસ્તારોમાં વરસાદ થવાની શક્યતાઓ સાથે 7થી 9 સપ્ટેમ્બર દરમિયાન ભારે વરસાદની સંભાવના જોવાઈ રહી છે. 

29 થી 31 ઓગસ્ટ દરમિયાન રાજ્યમાં સારો વરસાદ પડશે 

જો કે 30 અને 31 ઓગસ્ટે પંચમહાલ આસપાસના પંથકમાં તેમજ વડોદરા સહિત મધ્ય ગુજરાત વરસાદ પડી શકે છે. તેમજ સૌરાષ્ટ્રમાં પણ ઓગસ્ટ અંત અને સપ્ટેમ્બર શરૂઆતમાં સારો વરસાદ પડશે તેવું અનુમાન લગાવવામાં આવ્યું છે. આમ હવામાન નિષ્ણાંત અંબાલાલ પટેલે આગાહી કરતા જણાવ્યું છે કે 6 થી 10 સપ્ટેમ્બર દરમિયાન ભારે વરસાદ પડી શકે છે.

રાજ્યમાં 4 દિવસ વરસાદી ઝાપટાની સંભાવના

જ્યારે રાજ્યમાં વરસાદને લઈ હવામાન વિભાગનું કહેવું છે કે રાજસ્થાનમાં 30 ઓગસ્ટથી વરસાદની ગતિવિધિઓમાં ઘટાડો થશે જ્યારે 30-28 ઓગસ્ટ દરમિયાન ગુજરાતના મોટા ભાગોમાં હવામાન શુષ્ક રહેવાની શક્યતા છે. 29 ઓગસ્ટથી એક નવી સિસ્ટમ બનવાથી રાજ્યમાં વરસાદની આગાહી કરવામાં આવી રહી છે જો કે સપ્ટેમ્બરના પહેલા અઠવાડિયે જ કેટલાક પંથકમાં સારો વરસાદ પડી તેવું અનુમાન લગાવવામાં આવી રહ્યું છે. 

30 અને 31 ઓગસ્ટે દ.ગુજરાતમાં વરસાદની આગાહી

મહત્વનું છે કે રાજ્યમાં વરસાદ ખેંચાતા જળ સંકટ ઉભી થાય તેવી ભિતિ સેવાઈ રહી છે આ તરફ રાજ્યમાં મોટા ભાગના ડેમોનું સ્થિતિ તરીયા ઝાટક બની ગઈ છે. રાજ્યમાં 65 ટકા ઓછો વરસાદ નોંધાયો છે. રાજ્યમાં અત્યાર સુધીમાં સિઝનનો માત્ર 41.75 ટકા જ વરસાદ પડતા ખેડૂતો સિંચાઈ માટે પણ મોટી સમસ્યા સર્જાઈ છે. બીજી તરફ રાજ્યના 98 ડેમોમાં માત્ર 25 ટકા જ પાણી બચ્યું છે. જેથી જો આ વખતે પણ વરસાદ સારો નહીં પડે તો પાણીની મોટી પારાયણ સર્જાઈ શકે છે.