અનુમાન / ખેડૂતોને થશે હાશકારો: 'ગરમી વધુ, ચોમાસુ વહેલું' અંબાલાલ પટેલે વરસાદને લઈ જાણો શું કરી મોટી આગાહી

• ચોમાસાની શરૂઆતમાં સારો વરસાદ થશે:અંબાલાલ
• એપ્રિલથી હવામાનમાં પલટો આવશેઃઅંબાલાલ
• આ વખતે ગરમી વધુ પડશેઃઅંબાલાલ

રાજ્યમાં આજથી ભીષણ ગરમીનો વધુ એક રાઉન્ડ શરુ થઈ શકે છે.  એક તરફ રાજ્યના હવામાન વિભાગ દ્વારા ઉત્તર ગુજરાત, સૌરાષ્ટ્ર, કચ્છમાં શનિવાર અને રવિવાર માટે યલો એલર્ટ જાહેર કરવામાં આવ્યુ છે. ત્યારે બીજી તરફ આજે અમદાવાદમાં આજે ગરમીનો પારો 42 ડિગ્રી સુધી પહોંચી જવા પામ્યો છે. ત્યારે આગામી ચોમાસાને લઇને હવામાન નિષ્ણાંત અંબાલાલ પટેલે આગાહી કરી છે. 

આ વખતે 25 મે થી 8 જૂન વચ્ચે વરસાદ થશેઃ અંબાલાલ
અંબાલાલના જણાવ્યા અનુસાર રાજ્યમાં આ વર્ષે ચોમાસાની શરૂઆતમાં સારો વરસાદ થશે, ચોમાસાની શરૂઆતમાં કચ્છ, સૌરાષ્ટ્રમાં સારા વરસાદની શક્યતા પણ તેમણે સેવી છે. ઉત્તર ગુજરાત, મધ્ય ગુજરાતમાં પણ આ સિઝનમાં વરસાદ સમો સૂતરો રહે તેવો આશાવાદ વ્યક્ત કર્યો છે. એપ્રિલ મહિનાથી હવામાનમાં પલટો આવશે જે 17 મે સુધી ચાલશે. પ્રિ મોનસૂન પ્રક્રિયા વહેલી શરૂ થશે, ચોમાસુ વહેલુ શરૂ થશે તેમજ આ વખતે 25 મે થી 8 જૂન વચ્ચે વરસાદ પણ સારો રહેશે. અંબાલાલની આ આગાહીથી ખેડૂતોને હાશકારો થયો છે.

અગાઉ હોળીની જ્વાળા પરથી કરી હતી આગાહી
આ અગાઉ હવામાન નિષ્ણાત અંબાલાલ પટેલે હોળીની જ્વાળા અને પવનની દિશા પરથી વરસાદ અને ગરમીના વરતારા કર્યા હતા કે આ વખતે જ્વાળાઓ વાયવ્ય દિશા બાજુ દેખાઈ છે જેથી ચોમાસાની શરૂઆતમાં ભારે પવન સાથે વરસાદ આવશે. તેમજ વર્ષ દરમિયાન આંધીઓનું પ્રમાણ વધશે અને સમુદ્રમાં ભારે ચક્રવાતો સર્જાય તેવી શક્યતા છે. તો બીજી તરફ આ વખતે ઉનાળો કાળઝાળ રહે તેવા એંધાણ છે. અંબાલાલના જણાવ્યા અનુસાર 20 એપ્રિલ  બાદ ગરમીનું પ્રમાણ ખુબ વધી જશે, 26 એપ્રિલ બાદ ગરમીનો પારો 46 -47 ડિગ્રી સુધી પહોંચશે વધારે ગરમીના કારણે વરસાદ પણ ભારે આવશે અને સાથે આંધી અને તોફાનો પણ લાવશે. 

સ્કાયમેટને આગામી ચોમાસાને લઇ કર્યું પૂર્વાનુમાન
બે દિવસ પહેલા હવામાન વિભાગની આગાહી કરનારી પ્રાઇવેટ એજન્સી સ્કાયમેટ ચોમાસાને ખુશી સમાચાર આપ્યા હતા. આગામી ચોમાસાને પ્રથમ પૂર્વાનુમાન સ્કાયમેટે કર્યુ હતું. સ્કાયમેટની આગાહી મુજબ વર્ષ 2022નું ચોમાસુ સામાન્ય રહેવાની શક્યતા છે. આ વર્ષે 4 મહિનામાં વરસાદ 98 ટકા રહેવાની શક્યતા છે. જૂનથી સપ્ટેમ્બર વચ્ચે ભારતાં 880.60 મીમી વરસાદની શક્યતા છે. તેમજ દેશમાં સંપૂર્ણ પણે 98 ટકા વરસાદ પડી શકે છે. આ રિપોર્ટ સ્કાયમેટે 21 ફેબૃઆરી જારી કર્યો હતો. સ્કાઇમેટ તરફથી ફરી આ આગાહીનું ફરી પૂર્વાનુમાન કરવામાં આવ્યું છે.

ક્યાં રાજ્યમાં કેવું રહેશે ચોમાસુ ? (સ્કાયમેટ પ્રમાણે)

• મધ્ય પ્રદેશ, ઉત્તરપ્રદેશ, પંજાબ અને હરિયાણામાં સામાન્યથી વધુ વરસાદ થશે
• ગુજરાતમાં સામાન્ય વરસાદ રહેશે
• પૂર્વોત્તર વિસ્તાર નાગાલેન્ડ, મણીપુર, મઝોરમ અને ત્રિપુરામાં સિઝનમાં ઓછો વરસાદ થશે
• કેરળ અને કર્નાટમાં જૂલાઇ, ઓગસ્ટમાં થશે વરસાદ
• જૂન માસથી સારો વરસાદ થવાની સંભાવના વ્યક્ત કરાઇ

કેટલા વરસાદનું અનુમાન ?  (સ્કાયમેટ પ્રમાણે)

• જૂનમાં સરેરાશ 6.6 ઇંચના પ્રમાણે 107 ટકા વરસાદ થશે
• જૂનમાં 70 ટકા સામાન્ય, 20 ટકા વધુ અને 10 ટકા ઓછા વરસાદની શક્યતા
• જૂલાઇમાં સરેરાશ 11.4 ઇંચના પ્રમાણે 100 ટકા વરસાદ થશે
• જૂલાઇમાં 65 ટકા સામાન્ય, 20 ટકા વધુ અને 15 ટકા ઓછા વરસાદની શક્યતા
• ઓગસ્ટમાં સરેરાશ 10.32 ઇંચના પ્રમાણે 95 ટકા વરસાદ થશે
• ઓગસ્ટમાં 60 ટકા સામાન્ય, 10 ટકા વધુ અને 30 ટકા ઓછા વરસાદની શક્યતા
• સપ્ટેમ્બરમાં સરેરાશ 6.8 ઇંચના પ્રમાણે 90 ટકા વરસાદ થશે
• સપ્ટેમ્બરમાં 20 ટકા સામાન્ય, 10 ટકા વધુ અને 70 ટકા ઓછા વરસાદની શક્યતા