ચોમાસું / કાળઝાળ ગરમી વચ્ચે રાહતના સમાચાર: ગુજરાતમાં આ તારીખથી મેઘો એન્ટ્રી મારશે, જુઓ શું કરી આગાહી

• કાળઝાળ ગરમી વચ્ચે ગુજરાત માટે રાહતના સમાચાર
• રાજ્યમાં 8 જૂનથી શરૂ થશે વરસાદનું આગમન
• દક્ષિણ ગુજરાત અને સૌરાષ્ટ્રમાં વરસાદની આગાહી

રાજ્યમાં ફરીવાર છેલ્લાં એક-બે દિવસથી વાતાવરણમાં ગરમાવો જોવા મળી રહ્યો છે. લોકોએ ભારે ઉકળાટ સહન કરવાનો વારો આવ્યો છે. એવામાં એકવાર ફરી હવામાન વિભાગે વરસાદને લઇને મોટી આગાહી કરી છે. કાળઝાળ ગરમીના પ્રકોપ વચ્ચે રાજ્યમાં 8 જૂનના રોજ કેટલાંક વિસ્તારોમાં વરસાદ વરસશે. જેમાં હવામાનની આગાહી અનુસાર, રાજ્યમાં દક્ષિણ ગુજરાત અને સૌરાષ્ટ્રમાં વરસાદ વરસશે. જેમાં દક્ષિણ ગુજરાતમાં વલસાડ, દમણ અને નવસારીમાં પણ મન મૂકીને વરસાદ વરસશે તેવી આગાહી કરાઇ છે. તો સૌરાષ્ટ્રમાં અમરેલી અને ગીર સોમનાથમાં વરસાદ થશે.

રાજ્યમાં અમદાવાદમાં સૌથી વધુ 42.6 ડિગ્રી તાપમાન નોંધાયું

આ બાજુ તાપમાનની જો વાત કરીએ તો રાજ્યમાં અમદાવાદમાં 42.6, ગાંધીનગરમાં 42.4 ડિગ્રી તાપમાન, કંડલામાં 42.2 ડિગ્રી તાપમાન અને અમરેલીમાં 41.5 ડિગ્રી તાપમાન જોવા મળી રહ્યું છે.

દક્ષિણ ગુજરાત અને સૌરાષ્ટ્રમાં પવનોની ગતિ તેજ રહેશે

રાજ્યમાં આગામી બે દિવસ પવનોની ગતિ તેજ રહેતા ગરમીથી આંશિક રાહત મળી શકે છે. હવામાન વિભાગે આગાહી કરી છે કે રાજ્યમાં આગામી બે દિવસ વાદળછાયું વાતાવરણ અને વરસાદી માહેલ રહેશે. દક્ષિણ ગુજરાત અને સૌરાષ્ટ્રમાં પવનોની ગતિ તેજ રહેશે. જ્યારે વરસાદની શકયતા નહિવત છે તેવું હવામાન વિભાગે જણાવ્યું હતું.

દેશમાં 2019થી સતત સારો એવો વરસાદ થઈ રહ્યો છે

જૂનમાં હિમાચલ પ્રદેશ, ઉત્તરાખંડ, પશ્ચિમ ગુજરાત, પશ્ચિમી ઉત્તરપ્રદેશ, પંજાબ, હરિયામા, ઉત્તરી રાજસ્થાન, મહારાષ્ટ્ર, પૂર્વ મધ્યપ્રદેશ, આંધ્રપ્રદેશ, તેલંગાણા અને આંતરિક કર્ણાટકમાં સામાન્ય કરતાં વધારે વરસાદ થવાની શક્યતા છે. જ્યારે પંજાબમાં આ વર્ષે માર્ચથી લઈને 22 મે સુધી વાતાવરણ શુષ્ક રહ્યું છે.