બ્લોક / વૉટ્સએપ, ઇન્સ્ટા અને ફેસબુકના યુઝર્સ સાવધાન! 7 કંપનીઓ પર પ્રતિબંધ મૂક્યો, કારણ ચિંતાજનક

• ફેસબુક, વોટ્સએપ અને ઈન્સ્ટાગ્રામના યુઝર્સ છો તો થઈ જજો સાવધાન
• ભારત સહિત આખી દુનિયામાં 7 કંપનીઓને કરાઈ બ્લોક
• આ કંપનીઓ યુઝર્સની ઓનલાઈન ગતિવિધિઓને ટ્રેક કરતી હતી 

જાસૂસીનું પ્રોફેશનલ કામ કરતી હતી 

આ કંપનીઓ 100 દેશોમાં પોતાના નેતાઓ, ચૂંટણી અધિકારીઓ, માનવ અધિકાર કાર્યકર્તાઓ અને જાણીતી હસ્તિઓને નિશાન બનાવી રહી હતી. આ કંપનીઓ જાસૂસીનું પ્રોફેશનલ કામ કરતી હતી. એટલેકે ગ્રાહક પાસેથી પૈસા લઇને ટાર્ગેટેડ વ્યક્તિની જાસૂસી કરતી હતી.  તેથી તેને સર્વિલન્સ-ફોર-હાયરવાળી કંપનીઓ કહેવામાં આવે છે. આ કંપનીઓ ઈન્ટરનેટ પર લોકોની ખાનગી માહિતી એકત્રિત કરવા, તથ્યોને તોડી-મરોડીને રજૂ કરવા અને તેમની ડિવાઈસ અને એકાઉન્ટમાં જાસૂસી કરતી હતી. સોશિયલ મીડિયાની દિગ્ગજ કંપની મેટાએ આ અંગે 100થી વધુ દેશોના અંદાજે 50,000 લોકોને એલર્ટ મોકલ્યું છે. 

કઈ કંપનીઓને કરાઈ બ્લોક

બેલટ્રોક્સ-ભારત
સાઈટ્રોક્સ- ઉત્તર મેસેડોનિયા
કોબવેબ્સ ટેકનોલોજી
કોગનિટ
બ્લેક ક્યુબ અને બ્લૂહૉક સીઆઈ- ઈઝરાયલ
અજ્ઞાત કંપની- ચીન

કંપનીઓની ઓળખ એક મહિનાની તપાસ બાદ કરાઈ 

મેટા મુજબ, જાસૂસી કરનારી કંપનીઓની ઓળખ લગભગ એક મહિનાની તપાસ બાદ કરવામાં આવી. વર્ષ 2019માં વોટ્સએપ તરફથી ઈઝરાયલી ટેકનોલોજી ફર્મ NSO Groupની સામે દાવો માંડવામાં આવ્યો હતો. આ કંપની તરફથી એક સૉફ્ટવેર વિકસિત કરવામાં આવ્યું હતુ. જેને પેગાસસના નામે ઓળખવામાં આવતુ હતુ. આ સૉફટવેર પત્રકારો, હ્યુમન રાઈટ એક્ટિવિસ્ટની જાસૂસી કરવાનુ કામ કરતુ હતુ.

BellTroX કંપની શું છે

BellTroX કંપની ભારતમાં સ્થિત છે. કંપની તરફથી હેકિંગ ફૉર હાયર સર્વિસ પૂરી પાડવામાં આવે છે. BellTroX કંપની તરફથી ફેક એકાઉન્ટને ઓપરેટ કરવામાં આવે છે. મેટાએ જણાવ્યું કે કંપની તરફથી 400 એકાઉન્ટને હટાવવામાં આવ્યાં છે. જે છેલ્લાં ઘણાં વર્ષોથી નિષ્ક્રિય હતા.