વાસ્તવિકતા / શું એક પુરૂષ અને સ્ત્રી ફક્ત એક સારા મિત્ર ના બની શકે?, સર્વેમાં બહાર આવી હકીકત

• શું એક યુવક-યુવતી સારા મિત્ર બની શકે?
• એક સર્વેમાં બહાર આવી વિગતો
• સારા મિત્ર બનાવવા જેન્ડરની નહીં વિચારની જરૂર

શું ફક્ત મિત્રતા શક્ય છે? 

એક યુવક-યુવતીનું મિત્ર બનવુ હવે કોઈ નવી વાત નથી. અવાર-નવાર આપણે ફિલ્મોમાં અથવા પછી આપણી આજુબાજુ જોઈએ છીએ કે એક યુવક-યુવતી ફક્ત મિત્ર બનીને રહી શકે છે. એક સર્વે મુજબ, પુરૂષ-સ્ત્રીની વચ્ચે મિત્રતા બિલ્કુલ શક્ય છે. દરેક સામાન્ય ફ્રેન્ડશિપની જેમ આ મિત્રતાની શરૂઆત પણ કોઈ ચીજવસ્તુને લઇને સામાન્ય રસથી જ શરૂ થાય છે. આવા સંબંધો જે ફક્ત મિત્રતા સુધી મર્યાદિત રહે છે. જેમાં યુવક અને યુવતી એકબીજાને લગભગ એવી રીતે ટ્રીટ કરે છે, જેમકે તેઓ પોતાના સાથી મિત્રોને ટ્રીટ કરતા હોય છે. હા, જરૂરી હોય છે કે પુરૂષ પોતાની સ્ત્રી મિત્રને લઇને વધુ સુરક્ષિત અનુભવતો હોય છે.

મિત્રતા વિશ્વાસમાં બંધાયેલી છે

કહેવાય છે કે ઘણી વખત લોહીના સંબંધોથી વિશેષ મિત્રતાના સંબંધનું મહત્વ વધી જાય છે. કોઈ પણ સ્વાર્થ વગર આ સંબંધ હકીકતમાં વિશ્વાસના તાંતણાથી બંધાઈ જાય છે. જરૂરી નથી કે પુરૂષ ફક્ત બીજા પુરૂષ પર જ વિશ્વાસ કરી શકે છે અને સ્ત્રી ફક્ત બીજી સ્ત્રી પર વિશ્વાસ કરી શકે છે. હકીકતમાં હવે આવુ રહ્યું નથી. યુવક-યુવતી સારા મિત્રો પણ હોય છે અને આ સંબંધ મજબુતાઈથી આગળ પણ વધે છે. 

રોમાન્સની તકો?

જનરલ ઓફ સોશિયલ એન્ડ પર્સનલ રિલેશનશિપ્સમાં પ્રકાશિત થયેલા એક અભ્યાસ મુજબ, આવા સંબંધોમાં ગમે ત્યારે રોમાન્સની તક પણ સમાયેલી છે. સંશોધકો મુજબ, આપણને લાગે છે કે આપણે ફક્ત મિત્ર રહી શકીએ છીએ. પરંતુ હકીકત એ છે કે ગમે ત્યારે તેમાં રોમાન્સની તક પણ રહેલી છે. જોકે, હવે એવુ પણ સામે આવ્યું છે કે આવા પ્રકારના સંબંધમાં રોમાન્સની તક મોટાભાગે એક તરફી પ્રેમ હોય છે. જેના સફળ થવાના ચાન્સ બીજી વ્યક્તિના રિએક્શન પર આધાર રાખે છે.