લોકસભાની તૈયારી બેંગ્લુરૂથી મહેસાણા પહોંચ્યા નાના EVM FSL કરશે તપાસ

મહેસાણા: ચૂંટણી પંચ દ્વારા લોકસભાની ચૂંટણીની તૈયારીઓ શરૂ કરવામાં આવી છે. લોકસભાની ચૂંટણીમાં પહેલા નાના EVMનો ઉપયોગ કરવામાં આવશે. બેંગ્લુરૂથી મહેસાણા 5290 EVM લાવવામાં આવ્યા છે. બુધવારથી આ EVMની તપાસ કરવામાં આવશે.

10 જેટલી ટીમો દ્વારા EVMની તપાસ કરવામાં આવશે. મહેસાણામાં 24 કલાક CCTV કંટ્રોલ રૂમમાં EVM રાખવામાં આવ્યા છે. ચેકીંગમાં બેંગલુરુની ટેક્નિકલ ટીમ પણ હાજર રહેશે. ચેકીંગની વીડિયોગ્રાફી પણ કરવામાં આવશે.

ઉલ્લેખનીય છે કે લોકસભાની ચૂંટણીના પડઘમ વાગતા ભારતના મુખ્ય ચૂંટણી વિભાગ દ્વારા તૈયારીઓ અત્યારથી આરંભી દેવાઇ છે જેના ભાગ રૂપે ગઇકાલે મહેસાણા ખાતે 5290 EVM લાવવામાં આવ્યા હતા. આ EVM મશીન બેંગ્લુરૂથી લાવવામાં આવ્યા હતા. 

આપને જણાવી દઇએ કે ચૂંટણી સમયે EVM મશીનને લઇને વિરોધપક્ષ સતત વિરોધ કરતા રહે છે ત્યારે ચૂંટણી પંચ દ્વારા ખાસ નાના EVM મશીન મહેસાણા મોકલવામાં આવ્યા છે. આ મશીનની તપાસ 10 જેટલી વિવિધ અધિકારીઓની ટીમ દ્વારા કરવામાં આવશે.