છેલ્લા 24 વર્ષોની જેમ આ વર્ષે પણ પીએમ મોદી તેમની માનીતી બહેન કમર મોહસીન હસનની પાસે રાખડી બંધાવશે. કરાંચીમાં જન્મ્યા બાદ અમદાવાદમાં આવીને રહેતી કમર મોહસિન હસન પીએમ મોદીને રાખડી બાંધવા દિલ્લી પહોંચી છે.
દેશભરમાં રક્ષાબંધનના તહેવારની ખાસ તૈયારીઓ ચાલી રહી છે. બહેનો પોતાના ભાઈઓને રાખડી બાંધવાની ખાસ તૈયારીઓ કરી રહી છે ત્યારે પીએમ મોદીને રાખડી બાંધવા તેમની માનીતી બહેન પણ દિલ્લી પહોંચી છે. છેલ્લા 24 વર્ષથી તે પીએમને રાખડી બાંધે છે. થોડા સમય પહેલાં કરાંચીથી આવેલો તેમનો પરિવાર હાલમાં અમદાવાદમાં રહે છે. કમર મોહસિન હસન પીએમ મોદીની માનીતી બહેન છે અને તે એક સામાન્ય બીજેપી કાર્યકર્તા હોવાના સમયથી રાખડી બાંધતા આવ્યા છે.
પીએમ મોદી પણ તેમની આ બહેન સાથે વિશેષ સ્નેહ રાખે છે. પીએમ રીતરિવાજ સાથે બહેન પાસે રાખડી બંધાવે છે. આ બહેન સિવાય પણ દેશના અન્ય અનેક ભાગમાંથી પણ આવનારા લોકો અને સામાજિક સંગઠનોના પદાધિકારીઓ પણ પીએમને રાખડી બાંધવા તેમના નિવાસ સ્થાને પહોંચી જાય છે.
આ વર્ષે સ્વતંત્રતા દિવસ અને રક્ષાબંધનનું પર્વ એક સાથે 15 ઓગસ્ટના રોજ મનાવવામાં આવી રહ્યું છે. આ દિવસે પીએમ મોદી દિલ્લીના લાલકિલ્લા પરથી રાષ્ટ્રધ્વજ લહેરાવશે અને આખા દેશને સંબોધિત કરશે. આ સમારોહ બાદ પીએમ તેમના લોક કલ્યાણ માર્ગના ઘરે રક્ષાબંધન માટે આવેલા લોકોની મુલાકાત લેશે.