એક સાથી કર્મચારી સાથે સંબંધ રાખતા mcdonalds ના સીઈઓ ઇસ્ટરબ્રૂકને કાઢી મૂકવામાં આવ્યા છે.અમેરિકાની દિગ્ગજ ફાસ્ટફૂડ કંપનીએ કહ્યું કે બંને વચ્ચેના સંબંધો સંમતિથી હતા પરંતુ ઇસ્ટરબ્રૂકે 'કંપનીની પૉલિસીનો ભંગ કર્યો છે અને યોગ્ય નિર્ણયો' લીધા નથી. સ્ટાફને મોકલેલા ઈ-મેઇલમાં ઇસ્ટરબ્રૂકે સંબંધોનો સ્વીકાર કર્યો હતો અને કહ્યું કે આ એક ભૂલ હતી.
mcdonalds ને CEO હાંકી કઢાયા
સાથી કર્મચારી સાથે બાંધેલ સંબંધ બન્યા કારણરૂપ
ઇમેઇલ કરી CEO એ માગી માફી
તેમણે કહ્યું કે કંપનીનાં મૂલ્યોને જોતાં હું બોર્ડ સાથે સહમત છું અને હવે એ સમય આવી ગયો છે કે તેઓએ આ મામલે આગળ વધવું જોઈએ. 52 વર્ષીય ઇસ્ટરબ્રૂકે પહેલી વાર 1993માં મેકડોનાલ્ડ્સમાં લંડનમાં એક મૅનેજરના રૂપમાં શરૂઆત કરી હતી.
મેકડોનાલ્ડ્સ પહેલા અનેક સ્થળે કરી ચૂક્યા છે કામ
તેઓએ વર્ષ 2011માં પિઝા એક્સપ્રેસ અને પછી એશિયન ફૂડ ચૅનલ વાગામાના બૉસ તરીકે કામ કર્યું હતું. મેકડોનાલ્ડ્સમાં આવતાં અગાઉ તેઓએ યુકે અને યુરોપમાં પણ કામ કર્યું હતું.
ઇમેઇલ કરી માગી માફી
આ સાથે જ કર્મચારીઓને લખેલ ઇમેઇલમાં સ્ટીવ ઇસ્ટરબ્રુકે પોતાના સંબંધોને લઇને માફી માગી છે. તેમણે કહ્યું કે હું સહમતિથી રિલેશનશિપમાં હતો જો કે, કંપનીના નિયમ વિરૂદ્ધની બાબત હતી.
આ મારી ભૂલ છે અને મેં બોર્ડની સામે સ્વીકાર્યું છે કે, હવે મારા જવાનો સમય છે. આ સિવાય હું આશા રાખું છું કે આમ મારું વ્યક્તિગત સન્માન કરશે. તેમણે વધુમાં કહ્યું કે, CEO ની રીતે તેમનો કાર્યકાળ કારકિર્દીના સૌથી સંતોષપ્રદ વર્ષો રહ્યા છે.
સત્તા સંભાળ્યા બાદ મેકડીના શેરમાં આવ્યો ઉછાળો
ઇસ્ટરબ્રુકે હવાલો સંભાળ્યા બાદ, કંપનીનો શેર આસમાને પહોંચી ગયો છે અને મેકડી યુ.એસ.ફાસ્ટ ફૂડના વેચાણમાં ટોચ પર છે. ગયા વર્ષે, ઇસ્ટરબ્રુકને પગાર તરીકે 159 મિલિયન ડોલર ચૂકવવામાં આવ્યા હતા.