હવામાન વિભાગે દેશના 8 રાજ્યમાં વાવાઝોડા સાથે ભારે વરસાદની આગાહી કરી છે. જેના પગલે ગઈકાલથી અમદાવાદ સહિત અનેક વિસ્તારમાં વરસાદે માઝા મૂકી છે.
અમદાવાદમાં માત્ર એક કલાકમાં 1 ઈંચ વરસાદ નોંધાયો. તો ભારે વાવાઝોડાના પગલે શહેરમાં અનેક જગ્યાએ વૃક્ષ ધરાશાયીની ઘટનાઓ અને કેટલાય ઝૂપડાઓ ધ્વસ્ત થયા હોવાના કિસ્સા સામે આવ્યા છે.
બીજી તરફ ભારે વરસાદ અને વાવાઝોડાના પગલે ઠેર ઠેર ટ્રાફિક જામના દ્રશ્યો પણ સામે આવ્યા. અનેક વિસ્તારો માત્ર એક કલાકના ઝાપટામાં પાણીમાં ગરકાવ થયા. જોકે હવામાન વિભાગ દ્વારા આજે પણ વરસાદની શક્યતા સેવવામાં આવી છે.