પથ્થરબાજ પર્વત / VIDEO : પ્રકૃતિનો નયનરમ્ય નજારો, પહાડ બંદૂકની જેમ છોડવા લાગ્યો 'ગોળીઓ', અવાક થશો જોઈને

• જમ્મુના રામબનમાં જોવા મળ્યું પ્રકૃતિનું અદ્દભુત દ્રશ્ય 
• પહાડ નાના નાના પથ્થરના ટુકડા ફેંકવા લાગ્યો
• જાણે કોઈ પિસ્તોલમાંથી ગોળીઓ છૂટતી હોય 

પ્રકૃતિ રહસ્યથી ભરપૂર છે ક્યારે શું થઈ જાય તે કોઈ નથી જાણતું. આપણને કયારેક ક્યારેક તેની ઝલક મળે છે અને તેમાંય જમ્મુ કાશ્મીર તો ધરતી પરનું સ્વર્ગ ગણાય છે અને હવે આ જમ્મુમાં એક અદ્દભુત ઘટના બની છે જે આ પહેલા ક્યારેક જોવામાં નથી આવી. હકીકતમાં આ ઘટના પહાડી ભૂસ્ખલનની છે જેમાં પહાડમાંથી નાના નાના પથ્થરો બંદૂકની ગોળીને જેમ છૂટીને જમીન પર પડે છે અને જો કોઈ ભૂલથી પણ તેના માર્ગમાં આવી જાય તો મર્યો સમજો. ધડાધડ પથ્થરોથી માથું રંગાઈ જાય. 

NH 44 UPDATE: Continous shooting stones have damaged the steel tunnel to a large extent. Traffic will not ply till clearance work completes@OfficeOfLGJandK @JmuKmrPolice @ZPHQJammu @igpjmu @Traffic_hqrs @JKTransportDept @Rameshkumarias @diprjk @RambanPolice @dcramban pic.twitter.com/txWcXUCjo7

— Mohita Sharma (@mohita_ips) January 16, 2023

રામબનના પંથિયાલમાં જોવા મળ્યો નજારો 
રામબનના પંથિયાલ વિસ્તારમાં પહાડ પિસ્તોલ જેમ ગોળીઓ છોડે તેવી રીતે પથ્થરોની ગોળીઓ છોડતો જોવા મળ્યો હતો. આને કારણે શ્રીનગર-જમ્મુ રાષ્ટ્રીય ધોરીમાર્ગ પરનો ટ્રાફિક અટકાવી દેવામાં આવ્યો હતો. 

Traffic update at 1200 hrs.
Traffic movement stopped from both side on Jammu-Srinagar NHW in view of heavy shooting stones are continued at Panthyal, some Guardners of steel Tunnel are fell down on the road. @DivisionalComm1 @ZPHQJammu @diprjk @ddnews_jammu @ddnewsSrinagar

— J&K Traffic Police (@Traffic_hqrs) January 16, 2023

પહાડના પથ્થરમારામાં શું થયું નુકશાન 
અધિકારીઓએ જણાવ્યું કે પાંથિયાલ ખાતે લોખંડની ટનલને બંને બાજુથી બંધ કરી દેવાઈ હતી કારણ કે પહાડના પથ્થરમારાને કારણે તેને નુકસાન થયું હતું. સતત પથ્થમારના કારણે સ્ટીલની ટનલને મોટા પ્રમાણમાં નુકસાન પહોંચ્યું છે. જ્યાં સુધી ક્લિયરન્સનું કામ પૂર્ણ નહીં થાય ત્યાં સુધી ટ્રાફિક ચાલશે નહીં. સ્ટીલની ટનલના કેટલાક 'ગાર્ડર્સ' રસ્તા પર તૂટી પડ્યા હોવાથી વાહનવ્યવહાર બંધ કરી દેવાયો છે.