વેચાણ / મંદીના માહોલ વચ્ચે ઓટો સેક્ટરમાંથી આવ્યાં રાહતના સમાચાર

• મંદીનો સામનો કરી રહેલા ઓટો સેક્ટર માટે રાહતના સમાચાર
• મારુતિ સુઝુકી ઇન્ડિયાનું કુલ વેચાણ ગત વર્ષની તુલનામાં 4.5 ટકા વધીને 1,53,435 યૂનિટ રહ્યું
• બજાજ ઓટોનું સપ્ટેમ્બર 2019ની તુલનામાં વેચાણ 15 ટકા વધ્યું છે

કંપનીએ શુક્રવારે આ જાણકારી આપી. એક વર્ષ પહેલા આ જ મહીને કંપનીએ 1,46,766 ગાડીઓનું વેચાણ કર્યું હતું. જ્યારે સપ્ટેમ્બર 2019માં 1.22 લાખ ગાડીઓનું વેચાણ કર્યું હતું. બજાજ ઓટોનું વેચાણ વાર્ષિક આધારે 9 ટકા ઓછુ રહ્યું છે, પરંતુ સપ્ટેમ્બર 2019ની તુલનામાં કંપનીનું વેચાણ 15 ટકા વધ્યું છે. ગાડીઓના વેચાણમાં તેજીનું એક કારણ તહેવારોની સીઝન પણ છે. 

મારુતિ સુઝુકીએ નિવેદનમાં કહ્યું કે આ વર્ષે ઓક્ટોબરમાં ઘરેલૂ બજારમાં પણ તેનું વેચાણ 4.5 ટકા વધીને 1,44,277 એકમ રહ્યું. ઓક્ટોબર 2018માં આ આંકડો 1,38,100 વાહનો હતું. ઓલ્ટો, વેગન આર અને એસ-પ્રેસો સહિત કંપનીની મિની કારોનું વેચાણ આ દરમિયાન 13.1 ટકા ઘટીને 28,537 વાહન રહી ગયું. એક વર્ષ પહેલા ઓક્ટોબર મહીનામાં આ આંકડો 32,835 એકમ પર હતું. 

આ પ્રકારે સ્વિફ્ટ, સેલેરિયો, ઇગ્નિસ, બલેનો અને ડિઝાયર સહિત કોમ્પેક્ટ વાહન ખંડમાં કંપનીનું વેચાણ 15.9 ટકાથી વધીને 75,094 એકમ થઇ ગયું. જે ઓક્ટોબર 2018માં 64,789 એકમ હતું. યૂટિલિટિ વાહનો વિટારા બ્રેઝા, એસ ક્રોસ અને અર્ટિગાનું વેચાણ વધીને 23,108 એકમ પર રહ્યું. જે એક વર્ષ પહેલા આ મહીનામાં 20,764 એકમ પર હતું. કંપનીની નિકાસ 5.7 ટકા વધીને 9158 એકમ રહ્યું, જે એક વર્ષ પહેલા ઓક્ટોબરમાં 8666 વાહનો પર હતું. 

બજાજ ઓટોના કુલ વેચાણની મહીના પર મહીનાના આધારે તુલના કરવામાં આવે તો બજાજ ઓટોનું કુલ વેચાણ 15.2 ટકા ઉછળીને 4.63 લાખ યૂનિટ રહ્યું. કંપનીએ સપ્ટેમ્બરમાં 4.02 લાખ વાહનનું વેચાણ કર્યું હતું. 

બીજી તરફ, મહિન્દ્રા એન્ડ મહિન્દ્રાના વાહનોનું વેચાણ ગત વર્ષે ઓક્ટોબરની તુલનામાં 11 ટકા ઘટીને 51,896 રહ્યું, જ્યારે સપ્ટેમ્બર 2019ની તુલનામાં તેમા તેજી નોંધવામાં આવી. ઓક્ટોબર 2018માં કંપનીએ 58,416 વાહનોનું વેચાણ કર્યું હતું. જ્યારે સપ્ટેમ્બર 2019માં કંપનીએ 43,343 વાહન જ વેચી શકી હતી.