કોમ્પેક્ટ સેડાન સેગમેન્ટમાં મારુતિ સુઝુકી ડિઝાયર ખૂબ જ જાણાતી છે. તેને ટક્કર આપવા માટે અન્ય ઓટો કંપનીઓએ કેટલીય સેડાન કાર માર્કેટમાં ઉતારી તેમ છતાં આજે પણ લોકો ડિઝાયરની પ્રથમ પસંદગી કરે છે ત્યારે આ તમામ બાબતો વચ્ચે કંપનીઓ એક મોટો નિર્ણય લીધો છે જેના વિશે જાણીને ગ્રાહકો પરેશાન થઇ જશે.
ઉલ્લેખનીય છે કે, Maruti Suzukiએ ડિઝાયરનું ડીઝલ મોડેલ બંધ કર્યું છે. મારુતિએ તાજેતરમાં જ Dzire નું ફેસલિફ્ટ મોડેલ લોન્ચ કર્યું છે, જે ફક્ત પેટ્રોલ એન્જિનમાં જ લોન્ચ કરવામાં આવ્યું છે. જોકે, કંપનીએ સ્પષ્ટ કરી દીધું છે કે હવે તે પેટ્રોલ એન્જિન વાહનો પર ધ્યાન કેન્દ્રિત કરશે.
મારૂતિ સુઝુકી લોકોની પ્રથમ પસંદ
એક તરફ મારુતિ સુઝુકી ડિઝાયરની ખૂબ માંગ છે. નાણાકીય વર્ષ 2019 - 20 ના પહેલા આઠ મહિનામાં ડિઝાયર કાર દેશની સૌથી વધુ વેચાયેલી કાર હતી. મારુતિ સુઝુકીના જણાવ્યા અનુસાર, ડિઝાયર કારના 1.2 લાખ યુનિટનું વેચાણ એપ્રિલથી નવેમ્બર 2019 દરમિયાન થયું હતું.
ગત વર્ષે જ કંપનીએ ડિઝલ મોડલ બંધ કરવાની કરી હતી જાહેરાત
મારુતિ સુઝુકીએ ગયા વર્ષે એપ્રિલમાં જાહેરાત કરી હતી કે તે BS6 ની રજૂઆત સાથે એપ્રિલ 2020 થી ડીઝલ કારનું ઉત્પાદન બંધ કરશે. અગાઉ, મારુતિએ નવી Brezza કારને પણ ફક્ત પેટ્રોલ એન્જિનમાં જ લોન્ચ કરી હતી, જે ફક્ત ડીલ એન્જિનમાં જ આવતી હતી.
શું ખાસિયત છે ડિઝલ એન્જિનની ?
મારુતિ ડિઝાયરના ડીઝલ મોડેલ 1.3-લિટર ડીઝલ એન્જિન મળે છે. તે 73 બીએચપી પાવર અને 200 એનએમ પીક ટોર્ક જનરેટ કરે છે. આ ડિઝાઇન એન્જિન મારુતિની ઘણી વધુ કારમાં જોવા મળે છે, જે ટૂંક સમયમાં બંધ પણ કરવામાં આવશે. નવી ડીઝાયરમાં 1.2-લિટરનું વધુ શક્તિશાળી પેટ્રોલ એન્જિન છે.
શું છે નવી ફેસલિસ્ટ ડિઝાયરની ખાસિયત ?
Maruti Suzuki એ Dzireની દિલ્હી એક્સ શોરૂમ કિંમત 5.89 લાખથી શરૂ કરીને 8.81 લાખ રૂપિયાની વચ્ચે રાખેલ છે. જુના મોડલના મુકાબલે નવી ફેસલિસ્ટ ડિઝાયરના ઇન્ટીરીયરમાં અને એક્સટીરિયરમાં થોડા ઘણાં ફેરાફાર છે.
કોરોનાના કારણે કંપનીએ ભારતના કારખાનાને પણ કર્યા બંધ
કંપનીએ શેર બજારના કહ્યું કે તેઓ ગુરુગ્રામ અને માનેસર હરિયાણાના તેમના કારખાનાઓને કોરોના વાયરસને જોતા તાત્કાલિક અસરથી બંધ કરી રહ્યા છે. અહી ઉત્પાદન અને ઓફિસ બંને બંધ કરી દેવામાં આવશે. આગામી સુચના ન આવે ત્યાં સુધી આ આદેશનું પાલન થશે.