ઓટો / મારૂતિ સુઝુકી આ શાનદાર કાર સાથે કરવા જઈ રહી છે મોટો ધમાકો, લુક અને ફીચર્સ જાણી થઈ જશે લેવાનું મન

• મારૂતિ સુઝુકી આ નવી કાર સાથે કરશે ધમાકો
• મારૂતિ સુઝુકી ટૂંક સમયમાં ધાંસૂ કાર લોન્ચ કરવાની છે
• મારૂતિ ધાંસૂ કોમ્પેક્ટ એસયૂવી લોન્ચ કરશે

મારૂતિ સુઝુકી ટૂંક સમયમાં SUV S-Cross નેક્સ્ટ જનરેશન મોડલ લોન્ચ કરવાની છે. જે લુક અને ફીચર્સ માટે જબરદસ્ત હશે. મારૂતિની આ કાર મારૂતિ YFG કોડનેમ ડેવલપ કરી રહી છે. નવી મારૂતિ S-Cross વર્ષ 2023માં લોન્ચ થશે અને તેમાં ઘણાં કોસ્મેટિક બદલાવની સાથે જોરદાર ફીચર્સ પણ જોવા મળશે. 

એવા પણ સમાચાર છે કે નેસ્ક્સ જનરેશન મારૂતિ એસ-ક્રોસને ડીઝલ એન્જિનની સાથે ડ્યુલ ક્લચ ઓટોમેટિક ગિયરબોક્સની સાથે લોન્ચ કરી શકાય છે. હાલ મારૂતિ સુઝુકી એસ-ક્રોસને બીએસ6 કમ્પ્લાયન્ટ 1.5 લીટર 4 સિલિન્ડર પેટ્રોલ એન્જિન સાથે ઈન્ડિયન માર્કેટમાં લોન્ચ કરી ચૂકી છે. જે SHVS mild hybrid technologyથી લેસ છે. આ એન્જિન 103bhp પાવર અને 138Nm ટોર્ક જનરેટ કરી શકે છે. મારૂતિની આ ધાંસૂ એસયૂવી 5 સ્પીડ મેન્યુઅલ અને 4 સ્પીડ ટોર્ક કન્વર્ટર ઓટોમેટિક ગિયરબોક્સ સાથે આવે છે. 

ડીઝલ કારો પર કંપની કરી રહી છે ફોકસ

ભારતમાં મારુતિ સુઝુકી એસ-ક્રોસની હાલની કિંમત 8.39 લાખથી લઇને 12.39 લાખ રૂપિયા સુધીની છે. કંપનીએ તેને ડેલ્ટા, ઝેટા અને આલ્ફા જેવા વેરિઅન્ટમાં લોન્ચ કરી છે. એવું માનવામાં આવી રહ્યું છે કે, નેક્સ્ટ જનરેશન મારુતિ સુઝુકી એસ-ક્રોસની કિંમત વધુ હોઈ શકે છે. મારુતિ સુઝુકી આગામી સમયમાં ન્યૂ જનરેશન મારૂતિ વિટારા બ્રેઝા લોન્ચ કરી શકે છે. જેને ટોયોટાની સાથે મળીને ડેવલપ કરવામાં આવી રહી છે. 

મારુતિ સુઝુકીએ થોડાં સમય પહેલાં એવી પણ જાહેરાત કરી હતી કે ડીઝલ કારો ટૂંક સમયમાં લોન્ચ કરવામાં આવશે અને પહેલા મિડ સાઈઝની એસયુવી મારુતિ વિટારા બ્રેઝા અને ત્યારબાદ ઈર્ટિગા એમપીવીનું ડીઝલ વેરિઅન્ટ લોન્ચ કરવામાં આવશે.