ફેસબુક ખૂબ જ પોપ્યુલર સોશિયલ મીડિયા પ્લેટફોર્મ છે. પોપ્યુલર થવાની સાથે કંપનીની કમાણી પણ વધારે છે. રિપોર્ટ મુજબ, Facebook ના CEO Mark Zuckerberg ની સુરક્ષામાં જ 23.4 મિલિયન ડૉલર (લગભગ 1 અબજ 76 કરોડ રૂપિયા) વર્ષ 2020માં ખર્ચ થયા.
Facebook ના CEO Mark Zuckerberg ની સુરક્ષામાં વપરાયા કરોડો
વર્ષ 2020માં ઝૂકરબર્ગની સુરક્ષામાં 23.4 મિલિયન ડૉલર ખર્ચ થયા
પારિવારિક સુરક્ષા માટે 10 મિલિયન ડૉલર આપવામાં આવ્યાં
માર્ક ઝૂકરબર્ગની સુરક્ષા માટે 13.4 મિલિયન ડૉલર ખર્ચ કર્યા
આ જાણકારી કંપનીના એન્યુઅલ એક્ઝીક્યુટીવ કમ્પનસેશન રિપોર્ટ પરથી મળી છે. Mark Zuckerbergની પારિવારિક સુરક્ષા માટે પ્રી-ટેક્સ વાર્ષિક એલાઉન્સ તરીકે કંપની તરફથી 10 મિલિયન ડૉલર આપવામાં આવ્યાં. ફાઈલિંગ મુજબ ફેસબુકે માર્ક ઝૂકરબર્ગની સુરક્ષા માટે 13.4 મિલિયન ડૉલર ખર્ચ કર્યા. જેમાં તેમની રહેણાંક અને ટ્રાવેલ સિક્યોરિટી બંને ખર્ચ સામેલ છે.
7.6 મિલિયન ડૉલર ખર્ચ કર્યા
ફેસબુકના ચીફ ઓપરેટીંગ ઓફિસર Sheryl Sandberg ની સુરક્ષા પર વર્ષ 2020માં 7.6 મિલિયન ડૉલર ખર્ચ કરવામાં આવ્યાં. ત્યારબાદ Alphabetના સીઈઓ સુંદર પિચાઈનો નંબર આવે છે. જેના પર કંપનીએ વર્ષ 2020માં 5.4 મિલિયન ડૉલર ખર્ચ કર્યા છે. Protocol ની રિપોર્ટ મુજબ, Amazon ના પૂર્વ CEO Jeff Bezos ને સિક્યોરિટી માટે તેની કંપનીએ 1.6 મિલિયન ડૉલર આપ્યાં. જ્યારે બાકીનો ખર્ચ તેમણે જાતે કર્યો. વર્ષ 2019માં ફેસબુકે પોતાના ફાઉન્ડરને પ્રોટેક્ટ કરવા માટે 20.4 મિલિયન ડૉલર ખર્ચ કર્યા હતા. કંપનીએ તેના ખાનગી જેટ્સ પર 2.9 મિલિયન ડૉલર ખર્ચ કર્યા.
અંગત ટ્રાવેલિંગના કારણે ખર્ચ વધુ થયો
ફેસબુકે જણાવ્યું કે 2019ની અપેક્ષાએ 2020માં 3 મિલિયન ડૉલર વધુ એટલા માટે ખર્ચાયા કારણકે તેમની અંગત ટ્રાવેલિંગ વધી ગઇ હતી અને 2020 US ચૂંટણીના કારણે સુરક્ષા વધારે હતી. મહત્વનું છે કે, ઝૂકરબર્ગ ફેસબુક પાસેથી ફક્ત 1 ડૉલર (લગભગ 75 રૂપિયા)નો પગાર લે છે. ગયા વર્ષે તેમને કોઈ બોનસ પેમેન્ટ પણ મળ્યું નથી.