દેશની ઈકોનોમીમાં સતત સુધારો આવી રહ્યો છે તેનું વધું એક ઉદાહરણ જોવા મળ્યું છે. માર્ચ મહિનામાં જીએસટી કલેક્શને નવો રેકોર્ડ બનાવ્યો છે. સરકારી ડેટા અનુસાર માર્ચમાં જીએસટી કલેક્શન રુ.1.23 લાખ કરોડ રહ્યું છે. સતત છઠ્ઠા મહિને જીએસટી કલેક્શન 1 લાખ કરોડને પાર પહોંચ્યું છે.
નાણા મંત્રાલય દ્વારા જારી નિવેદન અનુસાર, સરકારને માર્ચ મહિનામાં જીએસટી પેટે રુ. 1,23,902 કરોડની જંગી આવક થઈ છે જેમાં રુ. 22,973 કરોડની સીજીએસટી આવક, રુ. 29,329 કરોડ એસજીએસટીની આવક, રુ. 62,842 કરોડ આઈજીએસટીની આવક (ઈમ્પોર્ટ ઓફ ગૂડ્સ પર એકત્ર રુ. 31,097 કરોડ સહિત) તથા રુ. 8,757 કરોડની સેસની આવક સામેલ છે.
નાણા મંત્રાલય દ્વારા જારી નિવેદન અનુસાર, ફેબ્રુઆરી 2021 ના મહિનામાં મળેલી કુલ જીએસટીની આવક રુ. 1,13,143 કરોડ હતી. 2020 ના ફેબ્રુઆરીની આવક કરતા 2021 ના ફેબ્રુઆરીની જીએસટીની આવકમાં 7 ટકાનો વધારો થયો છે. દેશમાં આર્થિક ગતિવિધિઓમાં સુધારાના વધુ એક સંકેત મળ્યો છે.
અર્થતંત્ર માટે ધીમે ધીમે સારા સંકેત
નોંધનીય છે કે ભારતમાં માર્ચ મહિનાથી ધીમે ધીમે કોરોના વાયરસના કેસ સામે આવવાની શરૂઆત થઇ અને તે બાદ કોરોનાના મોતનો તાંડવ પણ દેશે જોયો. લોકોના જીવ બચાવવા માટે કર્ફ્યું અને લોકડાઉન કરી દેવાની ફરજ પડી જે બાદ ભારતનાં અર્થતંત્રને પણ જોરદાર ફટકો પડ્યો. ભારતમાં ફેબ્રુઆરી મહિનામાં આટલું કલેક્શન થયું હતું અને તે બાદ પહેલીવાર ઓક્ટોબરમાં કલેક્શન એક લાખ કરોડ રૂપિયાને પાર ગયું. હવે ઓક્ટોબર બાદ સતત બીજા મહિનામાં આ આંકડો એક લાખ કરોડ રૂપિયાથી અધિક રહ્યો છે. જોકે આ કલેક્શન ઓક્ટોબર મહિના કરતા ઓછું છે.
થોડા સમય પછી GDP સુધરશે તેવો સરકારનો દાવો
ભારતમાં કોરોના વાયરસના સંકટથી અર્થતંત્રને પાટા પર લાવવા માટે સરકારે વિવિધ તબક્કામાં આત્મનિર્ભર ભારત હેઠળ પેકેજ પણ જાહેર કર્યું છે અને દેશમાં અનલોક કર્યા બાદથી જ સતત પ્રયાસ કરવામાં આવી રહી છે કે અર્થતંત્ર ફરીથી દોડતું થઇ જાય. ભારતની જીડીપી ગ્રોથમાં પણ ખૂબ મોટું ગાબડું પડ્યું છે ત્યારે વિપક્ષ દ્વારા આરોપ લગાવવામાં આવી રહ્યો છે કે દેશમાં હવે મંદી આવી ગઈ છે જ્યારે સરકારનું કહેવું છે કે આવતા વર્ષ સુધી અર્થતંત્ર ફરીથી સારી થઇ જશે. જોકે છેલ્લા બે મહિનાથી જે ટેક્સ કલેક્શનનો આંકડો આવી રહ્યો છે તેનાથી સરકારને થોડી રાહત જરૂર મળી છે.