અકસ્માત / રાજસ્થાનના પાલીથી અમદાવાદ આવતી કાર પર કન્ટેઈનર પડતા 4ના મોત, કાર થઈ ગઈ ચપતરું

• રાજસ્થાનના પાલી જિલ્લામાં ગમખ્વાર અકસ્માત 
• હાઇવે પર પસાર થઇ રહેલ કાર પર આરસ ભરેલ કન્ટેનર પડ્યું 
• દંપતિ સહિત 4 લોકોના કમકમાટીભર્યા મોત 

શુક્રવારે સવારે જિલ્લાના ગુડા એંદલા પોલીસ સ્ટેશન વિસ્તારમાં ચાલતી કાર પર આરસથી ભરેલું કન્ટેનર પડતા આ હોનારત સર્જાઇ હતી. આ દુ: ખદ ઘટનામાં કારમાં સવાર દંપતી સહિત ચાર લોકોનાં મોત નીપજ્યાં હતાં.

કન્ટેનર પડતા કાર દટાઇ 

અકસ્માત બાદ આસપાસના લોકોએ પોલીસને જાણ કરી હતી. અકસ્માત બાદ કાર કન્ટેનર નીચે દટાઇ ગઈ હતી. આ દરમિયાન રસ્તા પર લાંબો જામ રહ્યો હતો. ગુડા એન્દલા પોલીસ મથકે ઘટના સ્થળે પહોંચી ટ્રાફિક ડાયવર્ટ કરાવ્યો હતો અને મૃતકોને બહાર કાઢવા માટે તજવીજ હાથ ધરી હતી.

પોલીસ અધિકારી લાલ શર્માના જમાવ્યા પ્રમાણે, 62 નંબરના હાઇવ પર આવેલ બાલરાઇ ગામ નજીક માર્બલ ભરેલ કંન્ટેનર પસાર થઇ રહ્યું હતું અને ત્યારે તે કાર પડ્યું હતું. જેમાં દંપતિ સહિત 4 લોકોના મોત થયાં હતા. 

યુ-ટર્ન લેતી વખતે સર્જાયો અકસ્માત 

આરસથી ભરેલા ટ્રેલરનો ચાલક બલરાય પાસે રાષ્ટ્રીય ધોરીમાર્ગ પર યુ-ટર્ન લઇને કારને ઓવરટેક કરી રહ્યો હતો. તે જ સમયે કન્ટેનર અસંતુલિત બની ગયો અને કારને ટક્કર મારી. આને કારણે કારમાં ચારેય લોકોનાં ઘટના સ્થળે જ મોત નીપજ્યાં હતાં. અકસ્માતની બાતમી મળતાં સ્થાનિક પોલીસ મથક સ્થળ પર પહોંચી ગયો હતો.

અમદાવાદ આવી રહી હતી કાર 

અધિકારીએ વધુમાં જણાવ્યું હતું કે કાર સવાર જોધપુરથી અમદાવાદ જઇ રહ્યા હતા. મૃતકોની ઓળખ અશ્વિની શર્મા, તેની પત્ની રશ્મિ શર્મા, સંબંધી મનોજ શર્મા અને કાર ડ્રાઈવર બુધારામ તરીકે થઈ છે. શર્માએ જણાવ્યું હતું કે, પોસ્ટમોર્ટમ કર્યા પછી બંનેના મૃતદેહ સંબંધીઓને સોંપી દેવાયા છે. પોલીસ હાલ કન્ટેનર ચાલક વિરુદ્ધ ગુનો નોંધીને આ કેસની તપાસ કરી રહી છે.