વાયરલ / જન્મદિવસ પર મનોજ બાજપાઈનો વીડિયો વાયરલ, કહી એવી વાત કે ફેન્સ થયા ભાવુક

• આજે મનોજ બાજપાઈનો જન્મદિવસ 
• બર્થ ડેના દિવસે વીડિયો થયો વાયરલ 
• ડાયરેક્ટર મિલાપ ઝવેરીની કવિતા કરી નરેટ 

 

બોલિવુડ ઈંડસ્ટ્રીનાં દિગ્ગજ એક્ટર મનોજ બાજપાઈનો આજે એટલે કે 23 એપ્રિલનાં રોજ 53મો જન્મદિવસ છે. આ ખાસ દિવસ પર તમામ સેલેબ્સ અને ફેન્સ તેમને બર્થ ડેની શુભકામનાઓ આપી રહ્યા છે. આ દરમિયાન મનોજ બાજપાઈનો એક વીડિયો સામે આવ્યો છે, જેને લોકો ખૂબ જ પસંદ કરી રહ્યા છે. 

લોકોનાં દિલ જીતી રહ્યો છે આ વીડિયો 
વીડિયોમાં મનોજ બાજપાઈ આજના સમયમાં દેશમાં હિંદુ મુસ્લિમ વચ્ચે વધતા અંતર વિષે વાત કરતા જોવા મળે છે. મનોજ કહે છે કે ભગવાન અને ખુદા એકબીજા સાથે વાત કરી રહ્યા હતા, મંદિર અને મસ્જીદ વચ્ચેનાં ક્રોસરોડ પર મુલાકાત કરી રહ્યા હતા, કે હાથ જોડેળા હોય કે દુવામાં બેસેલા હોય, કોઈ ફરક પડતો નથી. અહી જુઓ આ વીડિયો...

#BhagwanAurKhuda written and conceptualised by me in 2020 and performed so brilliantly by the legendary @BajpayeeManoj whose presence, performance, narration still gives me goosebumps. An important message for our nation. For all Indians and all humans🙏 @TSeries pic.twitter.com/b23NuGjo6C

— Milap (@MassZaveri) April 19, 2022

આ ડાયરેક્ટરે લખી છે કવિતા 
ડાયરેક્ટર મિલાપ ઝવેરીએ આ વીડિયો વર્ષ 2020નાં મે મહિનામાં લોકડાઉન દરમિયાન શેર કર્યો હતો, જે આજકાલ ઇન્ટરનેટ પર છવાઈ ગયો છે. આ કવિતા મિલાપ ઝવેરીએ લખી છે, જેનાં ખૂબ જ વખાણ થઇ રહ્યા છે. આ કવિતા વિષે વાત કરતા મિલાપ ઝવેરીએ કહ્યું કે હાલમાં અમુક એવી ઘટનાઓ સામે આવી છે, જેમાં દેશમાં તણાવ વધી ગયો છે. 

મનોજ બાજપાઈની ફિલ્મો 
જણાવી દઈએ કે મિલાપ ઝવેરીએ 'સત્યમેવ જયતે'નું ડાયરેકશન કર્યું હતું, જેમાં મનોજ બાજપાઈએ પોલીસ ઓફિસરનું પાત્ર બજ્વ્યું હતું. આ ઉપરાંત, જ્હોન અબ્રાહમ પણ આ ફિલ્મમાં મુખ્ય ભૂમિકામાં હતા. મનોજ બાજપાઈએ પોતાની કરિયરની શરૂઆત ફિલ્મ 'બેન્ડિત ક્વીન'થી કરી હતી, જેમાં તેમના કામને ખૂબ જ પસંદ કરવામાં આવ્યું હતું. આ ઉપરાંત મનોજ બાજપાઈ 'સાઈલન્સ' અને 'ડાયલ 100'જેવી ફિલ્મોમાં પણ જોવા મળ્યા હતા, જે ઓટીટી પ્લેટફોર્મ પર રિલીઝ થઇ હતી. હવે મનોજ 'મુગલ રોડ', 'કેમ્પસ' અને 'રાખ' જેવી ફિલ્મોમાં જોવા મળશે. આ ફિલ્મો એક પછી એક રિલીઝ થશે.