કોરોના વાયરસ / લૉકડાઉન અસર: મનીષ પૌલ મુંડન હોસ્ટ કરવા પણ તૈયાર 

• મનીષ પૌલનું સ્ટેટમેન્ટ
• કામ પર પરત ફરવા ઉત્સુક

મનીષ પૌલે સોશિયલ મિડિયા પર એક પોસ્ટ કરી હતી અને પોતાની વ્યથા વ્યક્ત કરી હતી અને કામ પણ માંગ્યુ હતુ. તેણે લખ્યું હતું કે,  તે એક એક્ટર અને હોસ્ટ છે. લૉકડાઉન બાદ તે ફરી કામ પર પરત ફરવા માંગે છે. હવેથી તે સેટ પર સમય પર આવશે. પૂરા 12 કલાક કામ કરશે. જમવાનું પણ ઘરેથી લાવીશ અને મારો સ્ટાફ પણ ઘરેથી જ જમવાનું લાવશે. જો કોઇ ફિલ્મ, રિયાલીટી શૉ કે કોઇ પણ શૉની હોસ્ટિંગ હોય તો મને સંપર્ક કરો. હવે હું મુંડન પણ હોસ્ટ કરું છું. 

અત્યારે સૌ કોઇ લૉકડાઉન અને કોરોનાને લઇને પરેશાન છે ત્યારે મનીષ પૌલનો આ ફની અંદાજ ખૂબ વાઇરલ થઇ રહ્યો છે. તમને જણાવી દઇએ કે મનીષ પૌલે ઘણા બધા રિયાલીટી શૉઝમાં કામ કર્યું છે અને કેટલીક બોલિવૂડ ફિલ્મોમાં પણ કામ કર્યું છે. મનીષ પૌલ તેની સ્ક્રિન પ્રેઝન્સને લઇને ઘણો ચર્ચામાં રહે છે. આ સમયમાં તે પણ લૉકડાઉન જલ્દી થી જલ્દી સમેટાઇ જાય તેની રાહ જોઇ રહ્યો છે.