- મધ્યપ્રદેશના મંદસોરમાં કોંગ્રેસ નેતા શ્યામલાલ જોક ચંદનો વીડિયો વાયરલ
- વીડિયોમાં શ્યામલાલ જોક ચંદ રાજસ્થાનના સીએમને કહેતા જોવા મળ્યાં
- મંદસોરમાં થયેલું ખેડૂત આંદોલન અમે જ કરાવ્યું હતું
- પછી એમપીમાં કોંગ્રેસની સરકાર બની હતી
મધ્ય પ્રદેશના મંદસૌરમાં કોંગ્રેસ નેતાનો એક વીડિયો વાયરલ થઇ રહ્યો છે. જેમાં તેઓ એવું કહેતા જોવા મળી રહ્યાં છે કે 6 જૂન 2017ના રોજ મંદસોરમાં જે ખેડૂત આંદોલન થયું હતું તે કોંગ્રેસે કરાવ્યું હતું. વીડિયોમાં કોંગ્રેસના બે નેતાઓ શ્યામલાલ જોક ચંદ અને કોંગ્રેસના પદાધિકારી કમલેશ પટેલ રાજસ્થાનના મુખ્યમંત્રી અશોક ગેહલોતને કહી રહ્યા છે કે 6 જૂન 2017ના રોજ મંદસૌરમાં જે ખેડૂત આંદોલન થયું હતું, તે અમે કર્યું હતું અને તેના કારણે સરકાર બની, પરંતુ કોંગ્રેસની પરસ્પર લડાઈમાં સરકાર પડી ગઈ. વાસ્તવમાં આ વાયરલ વીડિયોમાં કોંગ્રેસ નેતા શ્યામલાલ જોક ચાંદ અને મધ્ય પ્રદેશ કોંગ્રેસના પદાધિકારી કમલેશ પટેલ જોવા મળી રહ્યા છે. શ્યામલાલ જોકચંદે પોતાનો પરિચય આપતાં નાણામંત્રી જગદીશ દેવડાએ વિધાનસભાની ચૂંટણી લડવાનું અને ત્યાર બાદ ગત વિધાનસભાની ચૂંટણીમાં સિંધિયાએ પોતાની ટિકિટ કપાવી હોવાની પીડા વર્ણવી રહ્યા છે. આ સાથે જ કમલેશ પટેલ જણાવી રહ્યા છે કે, તે લોકોએ ખેડૂત આંદોલનનું આયોજન કર્યું હતું, જેના કારણે મધ્યપ્રદેશમાં કોંગ્રેસની સરકાર બની હતી. જોકે, પરસ્પર લડાઈને કારણે સરકાર પડી ભાંગી હતી.
ખુદ મખ્યમંત્રી અશોક ગેહલોતે વીડિયો શેર કર્યો
જે વીડિયોમાં કોંગ્રેસના બે નેતાઓ ખેડૂત આંદોલન વિશે વાતો કરી રહ્યાં છે તે વીડિયોને ખુદ રાજસ્થાનના મુખ્યમંત્રી અશોક ગેહલોતે પોતાના ટ્વિટર એકાઉન્ટ પરથી ટ્વિટ કર્યો છે.
ભાજપને કોંગ્રેસ પર હુમલો કરવાની તક મળી
વીડિયો વાયરલ થયા બાદ ભાજપે તક ઝડપી લીધી હતી. પ્રદેશ ભાજપના પ્રવક્તા અને મંદસૌરના ભાજપના ધારાસભ્ય યશપાલસિંહ સિસોદિયાએ જણાવ્યું હતું કે ભાજપ શરૂઆતથી જ કોંગ્રેસ પર ખેડૂતોને ઉશ્કેરવાનો અને ખેડૂત આંદોલનમાં હિંસા ફેલાવવાનો આરોપ મૂકતો આવ્યો છે, પરંતુ કોંગ્રેસે હંમેશા ખેડૂત આંદોલનમાં પોતાનો હાથ નકાર્યો હતો.
વીડિયોનું ખોટું અર્થઘટન કરવામાં આવ્યું- કોંગ્રેસ નેતા
મંદસૌર કોંગ્રેસના જિલ્લા પ્રમુખ નવકૃષ્ણ પાટીલનું કહેવું છે કે આ વીડિયોમાં જે કહેવામાં આવ્યું છે તેનું ખોટું અર્થઘટન કરવામાં આવી રહ્યું છે. કોંગ્રેસ વિપક્ષની ભૂમિકામાં હતી અને ખેડૂતોને યોગ્ય ભાવ ન મળવાને કારણે કોંગ્રેસ આંદોલનના સમર્થનમાં ઉભી રહી હતી. તેમણે કહ્યું હતું કે, કેટલીક વાર આંદોલનને ટેકો આપતી વખતે નેતૃત્વ કરવું પડે છે. અત્યારે પણ ખેડૂતોને તેમના પાકના યોગ્ય ભાવ નથી મળી રહ્યા. આવી સ્થિતિમાં જો હજુ પણ કોઇ હલચલ થાય તો અમે આગેવાની લેવા તૈયાર છીએ.
6 જૂન 2017ના દિવસે મંદસોરમાં ખેડૂત આંદોલનમાં 6 ખેડૂતોના મોત થયા હતા
ઉલ્લેખનીય છે કે મંદસૌરમાં 6 જૂન 2017ના દિવસે થયેલા ખેડૂત આંદોલનમાં પોલીસ ફાયરિંગમાં 6 ખેડૂતોના મોત થયા હતા.
