VIRAL / દારૂની દુકાન ખૂલતા જ ખુશ થઇ ગયો આ વ્યક્તિ, આરતી ઉતારી-નારિયેળ ફોડ્યુ

જી હા, આજે લોકડાઉન 3.0 નો પહેલો દિવસ છે. જોકે કેન્દ્ર સરકાર અને રાજ્ય સરકારોએ તેમાં ઘણા અંશે રાહત આપી છે. ખાસ કરીને ગ્રીન અને ઓરેન્જ ઝોનમાં થોડી શરતો સાથે આર્થિક ગતિવિધ શરૂ કરવાની પરવાનગી આપવામાં આવી છે. જોકે મુંબઇ, દિલ્હી જેમાં સૌથી વધુ કેસ ધરાવતા શહેરોમાં આજથી જીવનજરૂરી ના હોય તેવી ચીજવસ્તુઓની પણ દુકાનો ખૂલી ગઇ છે. 

આજ સવારથી મુંબઇ, દિલ્હી  અને બેંગ્લોર જેવા રાજ્યોમાં દારૂની દુકાનો ખોલવામાં આવી છે જ્યાં દુકાન ખોલતા લોકોને ભારે ભીડ જમા થઇ ગઇ હતી. આ વચ્ચે સોશ્યલ મીડિયા પર ઘણા વીડિયો વાયરલ થઇ રહ્યા છે જેમાં દારૂના દુકાનોની બહાર લોકો લાંબી લાઇન કરીને ઉભા છે અને સોશ્યલ ડિસ્ટેન્સિંગનું જરાય પણ પાલન નથી થઇ રહ્યુ. આ વચ્ચે એક એવો વીડિયો વાયરલ થયો છે જેણે જોઇને તમે હસી પડશો.

With all necessary pooja by drunken citizen people #LiquorShops are opened in #Bangalore #Bengaluru , just took this video and pics , don't know what to say 🤦😭 pic.twitter.com/nPKbXsdFIG

— balaji pa (@balajitech1) May 4, 2020

વાસ્તવમાં બેંગ્લોરમાં સવારે જ્યારે દારૂની દુકાનો ખુલી ત્યારે એક વ્યક્તિ તેની સામે પૂજા કરવા લાગ્યો., જેમ દરેક ભારતીય શુભ કામ કરવા જતા પહેલા આરતી કરીને નારિયેળ ફોડે છે તેમાં આ વ્યકિતએ દુકાનની બહાર આરતી અને પગથિયા પર નારિયેળ ફોડ્યુ હતુ. આ વીડિયો સોશ્યલ મીડિયા પર વાયરલ થઇ રહ્યો છે જેમાં કેપ્શનમાં લખવામા આવ્યુ છે ''બેંગ્લોરમાં દારૂની દુકાન ખુલતા જ તેની પૂજા કરવામાં આવી, નથી સમજી રહ્યો કે શું કરવુ જોઇએ.'' 

જોકે ઘણી જગ્યાઓ પર સોશ્યલ ડિસ્ટેન્સિંગનું પાલન ના થતા પોલીસે કડક પગલા લેતા આ દુકાનો બંધ કરાવી દીધી હતી. તો બીજી તરફ આજથી શરૂ થયેલુ આ લોકડાઉન 17 મે સુધી ચાલશે.