બનાસકાંઠા પોલીસે રાજસ્થાનમાંથી ગુજરાતમાં ડુપ્લીકેટ નોટ ઘુસાડવાના નેટવર્કનો પર્દાફાશ થયો છે. જેમાં 43 લાખ રૂપિયાની ડુપ્લીકેટ નોટ સાથે એક શખ્સની ધરપકડ કરી છે.
શું આ નોટો ચૂંટણીમાં કે સટ્ટાના ઉપયોગમાં લેવાની હતી કે કેમ તે અંગે વધુ તપાસ હાથ ધરી છે. હાલમાં લોકસભાની ચૂંટણીને અનુલક્ષીને પોલીસ દ્વારા ચુસ્ત બંદોબસ્ત ગોઠવી દેવામાં આવ્યો છે.
જેમાં અન્ય રાજ્યોમાંથી આવતા તમામ વાહનોની સઘન ચકાસણી કરવામાં આવી રહી છે. તેવામાં રાજસ્થાનની અમીરગઢ બોર્ડર પસાર કરી આવી રહેલી ખાનગી ટ્રાવેલ્સની લક્ઝરી બસને પાલનપુર પાસે થોભાવી તપાસ કરતા ડુપ્લીકેટ નોટો મળી આવી છે. આ શખ્સએ રાજસ્થાનના બિકાનેરનો પુનમચંદ ઓમપ્રકાશ શર્મા હોવાનું કબુલ્યું હતું. આ થેલામાં રહેલી 43 લાખ 30 હજારની બે-બે હજારની કુલ 2 હજાર 165 નોટો ડુપ્લીકેટ હોવાનું જાણવા મળ્યુ છે.
આ સાથે જ આ નોટો બિકાનેરથી અજાણ્યા શખ્શે આપી હતી અને સુરતમાં નરેન્દ્ર કૈલાશચંદ ગુરાવા નામના વ્યક્તિને આપવા માટેનું જણાવ્યું હતું. ત્યારે પ્રાથમિક તાપસમાં આ નોટોની સિરિઝ અંગે તપાસ કરતા પ્રિટિંગ અથવા ઝેરોક્ષ કરેલી નોટ હોવાનું ખુલ્યું છે. જો કે હાલમાં પોલીસે પુનમચંદની અટકાયત કરી વધુ તપાસ હાથ ધરી છે.