ક્રિકેટ / સૌરવ ગાંગુલીને લઈને મમતા બેનરજીએ PM મોદીને કરેલી અપીલ ચર્ચાનું કેન્દ્ર બની, જાણો શું કહ્યું

• બંગાળના મુખ્યમંત્રી મમતા બેનરજીની પીએમ મોદીને અપીલ
• સૌરવ ગાંગુલીને  ICCની ચૂંટણી લડવાની મંજૂરી આપો
• સરકાર ગાંગુલીને ICCમાં મોકલે
• ગાંગુલીની બીસીસીઆઈ ચીફ તરીકે વિદાય થઈ રહી છે
• ગાંગુલીએ બંગાળ ક્રિકેટ એસોસિએશનના અધ્યક્ષની ચૂંટણી લડવાના છે

પશ્ચિમ બંગાળના મુખ્યમંત્રી મમતા બેનર્જીએ સૌરવ ગાંગુલીને લઇને પીએમ મોદીને ખાસ અપીલ કરી છે. મમતા બેનરજીએ કહ્યું કે હું વડા પ્રધાનને વિનંતી કરું છું કે સૌરવ ગાંગુલીને આઈસીસીની ચૂંટણી લડવાની મંજૂરી મળે તેવું પીએમ મોદીએ સુનિશ્ચિત કરવું જોઈએ કારણ કે ગાંગુલી એક લોકપ્રિય વ્યક્તિ છે. 

રાજકીય રીતે નહીં પરંતુ ક્રિકેટ માટે નિર્ણય લો 
મમતા બેનરજીએ કહ્યું કે, ભારત સરકારને વિનંતી છે કે, તે રાજકીય રીતે નિર્ણય ન લે પણ ક્રિકેટ, સ્પોર્ટસ માટે નિર્ણયો લે. ગાંગુલી કોઈ રાજકીય પક્ષના સભ્ય નથી. 

मैं PM से अनुरोध करती हूं कि यह सुनिश्चित हो कि सौरव गांगुली को ICC चुनाव लड़ने की अनुमति मिले। वह एक लोकप्रिय व्यक्ति हैं, सब उनको जानते हैं। सरकार से राजनीतिक रूप से निर्णय न लें बल्कि क्रिकेट और खेल के लिए लें। वह राजनीतिक दल के सदस्य नहीं हैं: पश्चिम बंगाल CM ममता बनर्जी pic.twitter.com/sF8H1hg1Vn

— ANI_HindiNews (@AHindinews) October 17, 2022

મમતા બેનર્જીએ શું કહ્યું?
બંગાળના મુખ્યમંત્રીએ કહ્યું કે સૌરવ ગાંગુલીને ખોટી રીતે બીસીસીઆઈ અધ્યક્ષ પદમાંથી અલગ કરાયા છે. 
સીએમે કહ્યું કે હું બહુ દુઃખી છું. સૌરવ ખૂબ જ લોકપ્રિય વ્યક્તિત્વ ધરાવે છે. તે ભારતીય ટીમનો કેપ્ટન હતો. તેમણે દેશને ઘણું આપ્યું છે. તે માત્ર બંગાળનું જ નહીં પરંતુ ભારતનું ગૌરવ છે. તેમને આ રીતે બાકાત રાખવા તે ખોટું છે.

સૌરવ ગાંગુલીની જગ્યાએ રોજર બિન્ની બનશે બીસીસીઆઈ ચીફ 
ઉલ્લેખનીય છે કે બીસીસીઆઈ ચીફ તરીકે સૌરવ ગાંગુલીની વિદાય થઈ રહી છે અને તેથી ગાંગુલીએ બંગાળ ક્રિકેટ એસોસિએશનના અધ્યક્ષની ચૂંટણી લડવાની જાહેરાત કરી દીધી છે. ગાંગુલીને બદલે રોજર બિન્ની બીસીસીઆઈ અધ્યક્ષ બને તેવી શક્યતા છે.  સૌરવ ગાંગુલી 2019માં બીસીસીઆઈના અધ્યક્ષ બન્યા હતા. તેમને 18 ઓક્ટોબરે આ પદ પરથી રજા આપવામાં આવી રહી છે.

Kolkata, West Bengal | On behalf of all countrymen I say that Sourav Ganguly is our pride, he has skillfully managed his sports & administration career. He was BCCI president. He was excluded in an unfair way; the compensation for it will be to send him to ICC: CM Mamata Banerjee pic.twitter.com/U25UKJ3LKQ

— ANI (@ANI) October 17, 2022

ગાંગુલી સીએબીની ચૂંટણી લડશે
સૌરવ ગાંગુલીએ કહ્યું છે કે તેઓ બીસીસીઆઈના અધ્યક્ષ પદ છોડ્યા બાદ ક્રિકેટ એસોસિએશન ઓફ બંગાળ (સીએબી)ના અધ્યક્ષ પદ માટે ચૂંટણી લડશે. આ દરમિયાન આઇસીસીના ચેરમેન માટે પણ ચૂંટણી યોજાઇ રહી છે. આઈસીસીના ચેરમેન માટે 20 ઓક્ટોબરે નામાંકન ભરવાના છે. એવી ચર્ચા હતી કે, બીસીસીઆઇના પ્રમુખ પદેથી રાજીનામું આપ્યા બાદ ગાંગુલી આઇસીસીના ચેરમેનની ચૂંટણી લડી શકે છે.