રાજકીય / 'રાષ્ટ્રપતિ ઘણા સારા અને પ્રેમાળ મહિલા', મમતા બેનરજીએ TMC નેતાના બફાટ પર માફી માગી

• મમતાએ પાર્ટી નેતાના નિવેદન પર માફી માગી
• કહ્યું કે રાષ્ટ્રપતિ ઘણા સારા અને પ્રેમાળ મહિલા છે
• મમતાની પાર્ટીના નેતાએ રાષ્ટ્રપતિ મુર્મૂ પર વિવાદીત ટીપ્પણી કરી હતી

ટીએમસીના સુપ્રીમો મમતા બેનર્જીએ સોમવારે રાષ્ટ્રપતિ દ્રૌપદી મુર્મૂ પર પોતાની વિવાદિત ટિપ્પણી માટે માફી માંગી છે. તેમણે કહ્યું કે રાષ્ટ્રપતિ ઘણા સારા અને પ્રેમાળ મહિલા છે. હું મારા ધારાસભ્યના શબ્દોની ટીકા કરું છું. હું માફી માગું છું. અખિલ ગિરીએ જે કર્યું તે ખોટું છે. જો ભવિષ્યમાં આવું થશે તો પાર્ટી કાર્યવાહી કરશે.

Akhil Giri has committed a mistake. I condemn his utterings and apologise on behalf of my party. My party has already apologized for it. I have great regard for the President. We've cautioned our MLA & if it happens in future then the party will take action: WB CM Mamata Banerjee pic.twitter.com/y7lN0Nyiuv

— ANI (@ANI) November 14, 2022

કેટલાક લોકો બંગાળને બદનામ કરી રહ્યાં છે 
મમતા બેનર્જીએ દાવો કર્યો હતો કે, કેટલાક લોકો સતત રાજ્યને બદનામ કરવાની કોશિશ કરી રહ્યા છે. મુખ્યમંત્રી મમતા બેનર્જીએ કહ્યું કે, "જો કોઈ વ્યક્તિએ ભૂલ કરી હોય તો તેને તે ભૂલો સુધારવાની તક આપવી જોઈએ. જો કોઈ ભ્રષ્ટાચારમાં રાચશે, તો કાયદો પોતાનો માર્ગ અપનાવશે. પરંતુ મીડિયા ટ્રાયલ ચાલી રહી છે.કેટલાક લોકો બંગાળમાં બેસીને ખાઈ રહ્યા છે અને કાવતરું ઘડી રહ્યા છે. આ લોકો દિલ્હીને કહી રહ્યા છે કે બંગાળને પૈસા ન આપો. મારે દિલ્હીના પૈસા નથી જોઈતા. બંગાળ તેના પગ પર ઉભા રહેવા માટે સક્ષમ છે. અમારું સ્વાભિમાન અમારા માટે સૌથી મહત્વપૂર્ણ છે, અમે દિલ્હીને તેને છીનવી લેવાની મંજૂરી આપીશું નહીં, "તેમણે કહ્યું.

Somebody has committed a mistake & we are opposing it, we aren't supporting it. But every day the language that is being used to make statements & the lying that is continuing is unacceptable: WB CM Mamata Banerjee on State Minister Akhil Giri's remark on President Droupadi Murmu pic.twitter.com/L4t8ihzboA

— ANI (@ANI) November 14, 2022

શું ટીપ્પણી કરી હતી મમતાના ધારાસભ્યે 
ટીએમસીના ધારાસભ્ય અખિલ ગિરીએ નંદીગ્રામમાં એક સભાને સંબોધિત કરતા રાષ્ટ્રપતિ દ્રૌપદી મુર્મૂ પર અભદ્ર ટિપ્પણી કરી હતી. "અમે કોઈના દેખાવથી તેનો ન્યાય કરતા નથી. અમે રાષ્ટ્રપતિની ખુરશીનો આદર કરીએ છીએ, પરંતુ આપણા રાષ્ટ્રપતિ કેવા દેખાય છે? આ પછી તેમના નિવેદન પર રાજકીય નિવેદન શરુ થયા હતા. રાષ્ટ્રપતિ દ્રૌપદી મુર્મૂ પર અભદ્ર ટિપ્પણી કરવા બદલ રાજ્યમંત્રી અખિલ ગિરી વિરુદ્ધ સોમવારે કલકત્તા હાઈકોર્ટમાં પીઆઈએલ દાખલ કરવામાં આવી હતી. પીઆઈએલમાં અખિલ ગિરીને બંધારણના સર્વોચ્ચ પદનો અનાદર કરવા બદલ સજાની માંગ કરવામાં આવી છે. સોમવારે ચીફ જસ્ટિસ પ્રકાશ શ્રીવાસ્તવની બેન્ચમાં આ મામલો દાખલ કરવામાં આવ્યો હતો.