મલાઈકા અરોરાના ઘરની ઈનસાઈડ તસ્વીરો સામે આવી છે. એક મીડિયા સંસ્થાએ આ તસ્વીરોને શેર કરી છે. જેમાં મલાઈકાના ઘરની ઝલક જોવા મળી રહી છે. આ તસ્વીરોમાં મલાઈકાના રસોડાથી લઇને બેડરૂમ જોવા મળી રહ્યો છે. તસ્વીરોમાં દેખાય છે કે મલાઈકાનુ ઘર જેટલુ આલીશાન છે, તેટલુ સિમ્પલ પણ છે. ઘરમાં ડાર્ક કલરનો વધુ ઉપયોગ કરાયો છે અને ગ્રે શેડ દેખાઈ રહ્યો છે.
મલાઈકા અરોરાનો શો
હાલમાં મલાઈકા અરોરા તેનો અપકમિંગ શો મૂવિંગ ઈન વિથ મલાઈકાને લઇને ચર્ચામાં છે. આ શો 5 ડિસેમ્બરથી શરૂ થશે, જેને દર્શકો ડિજ્ની + હૉટસ્ટાર પર જોઇ શકશે. આ શોમાં મલાઈકા અરોરાના મિત્રો અને પરિવારજનો પણ મહેમાન તરીકે હાજર રહેશે અને તેના રહસ્યો ખોલશે. શોની જાહેરાત થોડા સમય પહેલા જ થઇ હતી.
મલાઈકા અરોરા ઈન્સ્ટાગ્રામ પર ખૂબ સક્રિય રહે છે. મલાઈકાના ફોટો અને વીડિયો સોશિયલ મીડિયામાં વારંવાર વાયરલ થાય છે. મલાઈકા એક તરફ જ્યાં તેના સિજલિંગ અંદાજ માટે ઓળખાય છે, તો બીજી તરફ તેમની ફિટનેસના પણ પ્રશંસકો કાયલ છે. મલાઈકાના ઈન્સ્ટા પર 16.7 મિલિયન ફોલોઅર્સ છે, જ્યારે તે પોતે 609 લોકોને ફૉલો કરે છે. મલાઈકા અત્યાર સુધી 3372 પોસ્ટ કરી ચૂકી છે.