રેસિપી / દાળ ખાઈને કંટાળ્યા હોવ તો આ અલગ જ પ્રકારની ટેસ્ટી અને મજેદાર કઢી એકવાર બનાવો, ખાતાં જ રહી જશો

સામગ્રી

1 વાટકી ચણાનો લોટ
2 વાટકી દહીં
અડધો કપ ગાજર સમારેલાં
અડધો કપ ફુલાવર સમારેલાં
અડધો કપ ગુવાર સમારેલી
અડધો કપ ટામેટાં સમારેલાં
અડધો કપ ડુંગળી સમારેલાં
2 ચમચી ફણસી સમારેલી
2 બટાકા મોટા કટકા કાપી લેવા
અડધો કપ વટાણા
1 સરગવાની શીંગ
1 ચમચી લાલ મરચું
દોઢ ચમચી ધાણાજીરૂં
મીઠું સ્વાદઅનુસાર
1 લીંબુનો રસ
અડધી ચમચી ગરમ મસાલો
તેલ 5 ચમચી
અડધી ચમચી હળદર
કોથમીર સમારેલી

રીત

સૌથી પહેલાં કૂકરમાં તેલ લઈને ધીમા તાપે ચણાનો લોટ નાખીને 7-8 મિનિટ તેને શેકો. સુગંધ આવવા લાગે એટલે તેમાં બધાં જ શાક નાખીને બરાબર મિક્સ કરી લો. પછી મીઠું, મરચું, હળદર, ધાણાજીરું, ગરમ મસાલો, લીંબુનો રસ, દહીં, કોથમીર બધું નાખીને બરાબર હલાવી લો અને પછી તેમાં 2 ગ્લાસ પાણી નાખી દો. બધું બરાબર મિક્સ થઈ જાય એટલે 2-3 સીટી વગાળી દો. બસ તૈયાર છે તમારી મિક્સ વેજિટેબલ કઢી. તમે રોટલી, ભાખરી, ખીચડી કે ભાત સાથે આ ટેસ્ટી કઢી ખાઈ શકો છો.