આપણે સૌ જાણીએ છીએ કે આધારકાર્ડ એક ખૂબ મહત્વપૂર્ણ ડોક્યુમેન્ટ છે તો બીજી તરફ પૅન કાર્ડ પણ ખૂબ મહત્વનું છે. સરકારના આદેશ અનુસાર પૅન કાર્ડને આધાર સાથે લિંક કરવું ફરજીયાત થઇ ગયુ છે.
પૅનકાર્ડને આધારકાર્ડ સાથે લિંક કરવું જરૂરી
ઇન્કમ ટેક્સ એક્ટ હેઠળ થશે દંડ
પૅનકાર્ડ હોવા છતાં નહી કરી શકો કામ
31 માર્ચ 2020 સુધી ભારતના તમામ નાગરિકોએ તેમના પૅન કાર્ડને આધાર કાર્ડ સાથે લિંક કરી લેવું પડશે. જો તમે આ કામ નહી કરો તો ઇન્કમ ટેક્સ એક્ટ હેઠળ તમને 10000 રૂપિયાનો દંડ ભરવો પડી શકે છે.
ટેક્સ વિભાગ અનુસાર જો 31 માર્ચ 2021 બાદ કોઇ કેન્સલ્ડ પૅનનો ઉપયોગ કરે છે તો તેના પર 10000 રૂપિયાનો દંડ લાગી શકે છે. જો તમે પૅન કાર્ડ લિંક નહી કરાવો તો તેને નિષ્ક્રિય કરી દેવામાં આવશે.
લિંક ન થવા પર પૅનકાર્ડ થઇ જશે ઇનવેલિડ
પૅન કાર્ડને આધારકાર્ડ સાથે લિંક કરવું જરૂરી છે જો તમે લિંક નહી કરાવો તો તમારા પૅન કાર્ડને ઇનવેલિડ કરી દેવામાં આવશે. જો આવું થશે તો તમારા ઘણા બધા કામ અટકી જવાની સંભાવનાઓ વધી જશે. તમારી પાસે પૅન કાર્ડ હોવા છતાં તમે કોઇ જ કામ નહી કરી શકો.
આ રીતે કરો પૅન કાર્ડને આધાર સાથે લિંક
સૌથી પહેલા ઇન્કમ ટેક્સની ઓફિશીયલ સાઇટ પર જાઓ અને લિંક આધાર પર ક્લિક કરો
બાદમાં ક્લિક હિયર પર ક્લિક કરો અને નીચે આપેલા બોક્સમાં પૅન, આધાર નંબર અને આપેલ કેપ્ચા ટાઇપ કરો
દરેક બોક્સને ભર્યા બાદ લિંક આધાર પર ક્લિક કરો
આ પ્રોસેસમાં નામ કે નંબરમાં કોઇ પણ પ્રકારની ભૂલ ન કરશો.
આ સિવાય પૅન સેન્ટર જઇને પણ આધાર સાથે લિંક કરાવી શકાય છે. જેના માટે 25 રૂપિયાથી લઇને 110 રૂપિયા સુધી પૈસા લાગી શકે છે.