રેસિપી / ઘરે જ બનાવી લો મિક્સ દાળનો ટેસ્ટી હાંડવો, કોઈ પણ સમયે સંતોષશે ભૂખ

મિક્સ દાળ હાંડવો

સામગ્રી

-બે  કપ ચોખા
-પોણો કપ ચણાની દાળ
-એક કપ તુવેર, મગ અને અડદની દાળ
-બે કપ છીણેલી કોબી, ગાજર અને દૂધી
-સાત લીલા મરચાં
-એક ચમચો આદુ- લસણની પેસ્ટ
-એક ચમચો તલ
-બે ચમચી રાઈ
-બે ચમચી જીરુ
-દસ લીમડાના પાન
-વઘાર માટે તેલ
-મીઠું સ્વાદ અનુસાર

રીત 

સૌ પહેલાં 6-7 કલાક માટે ચોખા અને દાળોને અલગ અલગ પલાળી રાખો. ત્યારબાદ તેને મિક્સરમાં ક્રશ કરીને ઘાટું ખીરું બનાવી લો. હવે તેમાં મીઠું ઉમેરીને સાત કલાક ઢાંકી રાખીને આથો આવવા દો. બનાવતી વખતે તેમાં છીણેલી કોબી, ગાજર અને દૂધી ઉમેરો, લીલા મરચાં ઝીણા સમારીને ઉમેરો. અને જરૂર પડે તો સ્વાદ મુજબ લીંબુનો રસ ઉમેરો.

વઘાર માટે 

એક વાસણમાં તેલ ગરમ થવા દો, તેમાં રાઈ, જીરું, હિંગ, લીમડાના પાન, તલ અને એક લીલું મરચું સમારેલુ, આદુ-લસણની પેસ્ટનો વઘાર કરો. હાંડવાના કૂકરમાં ખીરું પાથરીને તેની ઉપર આ વઘાર રેડી દો. અને ગેસ પર મૂકી ચડવા દો. લગભગ પોણો કલાક સુધી ચડવા દો. 

નોંધ- જો તમારી પાસે હાંડવાનું કૂકર નથી તો તમે પેનમાં પણ તેને બનાવી શકો છો.