ઉતરાયણ 2020 / આખા દેશમાં આ અલગ અલગ નામે મનાવવામાં આવે છે ઉતરાયણ, જાણો ક્યાં શું ખાસ પકવાન બને છે

• ઉતરાયણના છે અલગ અલગ નામ
• અલગ રાજ્યોમાં અલગ નામ છે ઉતરાયણના
• જાણો ક્યાં કયું નામ છે પ્રચલિત

રાજસ્થાન અને ગુજરાત

મકરસંક્રાંતિના દિવસે રાજસ્થાન અને ગુજરાતમાં પતંગ ઉડાડવાની પરંપરા છે. જેના કારણે ગુજરાતમાં પતંગ મહોત્સવના નામે આ તહેવાર ઉલ્લાસ સાથે ઉજવવામાં આવે છે. પતંગ ઉડાવવા સિવાય આ દિવસે ઘરમાં સૂર્યપૂજા કરવા માટે ઘેવર, ફૈની, તલના લાડુ પણ બનાવવામાં આવે છે. આ ખાસ દિવસે અહીના લોકો મહિલાઓને સુહાગના સામાન આપવાનું શુભ ગણે છે. 

તમિલનાડુ

મકરસંક્રાંતિનો તહેવાર તમિલનાડુમાં પોંગલના નામે ઓળખાય છે. આ દિવસે લોકો ઘરમાં સાફ સફાઈ કર્યા બાદ આંગણામાં લોટ અને ચોખાના લોટથી રંગોળી બનાવે છે. આ પછી માટીના વાસણમાં ખીર બનાવવામાં આવે છે. જેનો ભોગ પહેલાં સૂર્યદેવને ચઢાવવામાં આવે છે. તમિલનાડુમાં આ તહેવાર 4 દિવસ સુધી ઉજવવામાં આવે છે. 

ઉત્તરપ્રદેશ

મકરસંક્રાંતિનો તહેવાર ઉત્તરપ્રદેશમાં ખૂબ જ ધામધૂમથી ઉજવવામાં આવે છે. આ દિવસે ઘરમાં અડદની દાળની ખીચડી બનાવવામાં આવે છે. આ સિવાય લોકો આ દિવસે તલના લાડુ, તલના ગજક અને મગફળીના સ્વાદની પણ મજા માણે છે.

બિહાર- ઝારખંડ

મકરસંક્રાંતિના તહેવાર પર બિહાર અને ઝારખંડમાં ખીચડીની સાથે દહીં-ચૂડા (ચેવડો) બનાવવાની પરંપરા છે. આ સિવાય અહીંના લોકો રાતના ભોજનમાં તલથી બનેલા વ્યંજન ખાય છે. 

મહારાષ્ટ્ર

મહારાષ્ટ્રમાં મકર સંક્રાંતિનો તહેવાર 3 દિવસ સુધી ઉજવવામાં આવે છે. આ સમયે મહારાષ્ટ્રની પારંપરિક પૂરણ પોળી ખાવામાં આવે છે. સાથે તલથી બનેલા વ્યંજનોને વહેંચવામાં આવે છે. તેની પાછળ જૂની કડવાશને ભૂલીને પહેલ કરવાની પરંપરા છે.