જાણો / ડેટિંગ એપ Tinder પર આવું પણ કંઈ હોય છે તેની યુવાનોને ખબર જ નથી, સર્વેમાં થયો ચોંકાવનારો ખુલાસો

• ડેટિંગ એપ Tinderએ કરેલા સર્વેમાં સામે આવ્યું 
• 65 ટકા ભારતીય યુવાનો પાર્ટનરની સહમતિ લેવાના મહત્વથી અજાણ 
• Tinderએ લેટ્સ ટોક કન્સેપ્ટ પહેલ ફરી શરુ કરી

ડેટિંગ એપ ટિન્ડર દ્વારા તાજેતરમાં કરવામાં આવેલા એક સર્વેમાં ચોંકાવનારો ખુલાસો થયો છે કે ભારતમાં મોટાભાગના યુવાનો કે જેમની સાથે તેઓ રિલેશનશિપમાં છે તેઓ તેમના પાર્ટનરની સંમતિ લેવાના મહત્વથી અજાણ છે. 

ટિન્ડરે 'લેટ્સ ટોક કન્સેંન્ટ પહેલ ફરીથી શરૂ કરી
ટિન્ડરે સુરક્ષિત ડેટિંગ માટે તેની 'લેટ્સ ટોક કન્સેંન્ટ પહેલ ફરીથી શરૂ કરી છે અને તેની પાછળનો હેતુ તમારા જીવનસાથીની સંમતિ લેવાના મહત્વને પ્રોત્સાહન આપવાનો અને એકપક્ષીય નિર્ણય લેવાનું અટકાવવાનો છે.

પાર્ટનરની સંમતિ કેવી રીતે માગવી-  65 ટકા યુવાનો અજાણ
મેટ્રો શહેરોના 18 થી 30 વર્ષની વયના 1000થી વધુ લોકો સાથે કરવામાં આવેલા સર્વેમાં સામે આવ્યું કે 65 ટકાથી વધુ લોકોને ખબર નથી હોતી કે કોઈને ડેટ કરતી વખતે કેવી રીતે સહમતિ માંગવી. સર્વેમાં બતાવવામાં આવ્યું છે કે, આમાંથી અડધા લોકોને એ પણ ખબર નહોતી કે જો સંમતિનું ઉલ્લંઘન કરવામાં આવે તો શું કરવું. 

સોશિયલ મીડિયાને કારણે સાયબર ક્રાઈમમાં વધારો 
સોશિયલ મીડિયાને કારણે દેશમાં સાયબર ક્રાઈમમાં વધારો થયો હોવાની વાત પણ સાચી છે. લોકો વર્ચ્યુઅલ માધ્યમ તરફ શિફ્ટ થવા લાગ્યા છે, પરંતુ તેના કારણે સાયબર ક્રાઇમમાં પણ ઝડપથી વધારો જોવા મળી રહ્યો છે. મોટા ભાગના કિસ્સામાં પોર્નોગ્રાફી, સાયબર બ્લેકમેઇલિંગ, સાયબર સ્ટોકિંગ અને મહિલાઓ વિરુદ્ધ ફેક પ્રોફાઇલ બનાવીને મહિલાઓને પરેશાન કરવાનું સામેલ છે.