આર્થિક સંકટમાંથી પસાર થઈ રહેલા પાકિસ્તાનને અમેરિકાએ વધુ એક ઝટકો આપ્યો છે. અમેરિકાએ કેરી લૂગર બર્મન એક્ટના આધારે આપવામાં આવતી આર્થિક મદદમાં લગભગ અડધા જેટલો ઘટાડો કરી દીધો છે.
અમેરિકાએ 9 વર્ષ પહેલાં કેરી લૂગર બર્મન એક્ટના આધારે પાકિસ્તાનને આપવામાં આવતી પ્રસ્તાવિત આર્થિક મદદમાં 44 કરોડ ડોલરનો ઘટાડો કરી દીધો છે. આ ઘટાડા બાદ પાકિસ્તાનને 4.1 અરબ ડોલરની ધનરાશિ આપવામાં આવશે.
આર્થિક બાબતોના મંત્રાલયના સૂત્રોના આધારે પાકિસ્તાની એક્સપ્રેસ ટ્રિબ્યૂને લખ્યું છે કે આર્થિક મદદમાં ઘટાડાના નિર્ણયને લઈને ઈસ્લામાબાદને ઈમરાન ખાને અમેરિકાના પ્રવાસે ત્રણ અઠવાડિયા પહેલાંની અધિકૃત સૂચના આપી હતી. ઈસ્લામાબાદ આ આર્થિક મદદ પાકિસ્તાન એન્હેંસ પાર્ટનરશીપ એગ્રીમેન્ટ (પેપા)ની મદદથી મેળવતું હતું. મંત્રાલયના સૂત્રોના આધારે 90 કરોડ ડોલરની બચેલી અમેરીકી મદદ મેળવવા માટે પાકિસ્તાને છેલ્લા અઠવાડિયે જ પેપાની સમયસીમા વધારી હતી.
ઓક્ટોરબર 2009માં અમેરીકી કોંગ્રેસ કેરી લૂગર બર્મન એક્ટ પસાર કર્યો હતો. તેને લાગૂ કરવા માટે સપ્ટેમ્બર 2010માં પેપા પર હસ્તાક્ષર કર્યા. તેના આધારે પાકિસ્તાનને પાંચ વર્ષના સમયમાં 7.5 અરબ ડોલરની મદદ આપવાની વ્યવસ્થા કરવામાં આવી હતી. આ અધિનિયમને પાકિસ્તાનની આર્થિક સંરચનામાં રોકાણ કરવાના હેતુથી લાવવામાં આવ્યો હતો. તેના આધારે દેશને ઉર્જા અને જળસંકટને દૂર કરવાનું લક્ષ્ય હતું.
જો કે પેપા સમજોતા લાગૂ પડતાં જ પાકિસ્તાન અને અમેરિકાના સંબંધો બગડવાનું શરૂ થયું હતું. તેની અસર અમેરિકાની પ્રતિબદ્ધતા અને આર્થિક મદદ પર પણ પડી.