સાવધાન / માતા-પિતા માટે ચેતવણીરૂપ કિસ્સો: મોબાઈલમાં ગેમ રમતી વખતે બેટરીમાં થયો વિસ્ફોટ, 12 વર્ષના બાળકને થઈ ગંભીર ઈજા

• માતા-પિતા માટે ચેતવણીરૂપ કિસ્સો
• બાળકોને મોબાઈલથી દૂર રાખજો
• મોબાઈલની બેટરી ફાટતા બાળક ગંભીર રીતે ઘાયલ થયો

જો આપના બાળકોને પણ મોબાઈલની લત લાગેલી છે, અને આખો દિવસ મોબાઈલમાં ગેમ રમ્યા કરે છે તો આ સમાચાર એકદમ આપના માટે જ છે. હકીકતમાં મોબાઈલ સાથે રમી રહેલો માલૂમ ગંભીર રીતે ઘાયલ થઈ ગયો હતો. આ કેસ ઉત્તર પ્રદેશના મહોબા જિલ્લાનો છે. અહીં મોબાઈલની બેટરી ફાટી જવાના કારણે એક 12 વર્ષિય બાળક ગંભીર રીતે ઘાયલ થઈ ગયો હતો. પરિવારના લોકો બાળકની નાજૂક હાલત જોઈ તેને મહોબા જિલ્લા હોસ્પિટલમાં લઈ ગયા હતા. બાળકને ઈમરજન્સી વોર્ડમાં ભરતી કરવો પડ્યો હતો. જ્યાં ડોક્ટર્સની દેખરેખ હેઠળ તેની સારવાર કરવામા આવી રહી છે. મોબાઈલમાં બેટરી ફાટવાના કારણે બાળકના હાથ અને છાતીમાં ખૂબ ઈજા થઈ હતી. 

મોબાઈલમાં બેટરી ફાટતા બાળકના હાથ અને છાતીમાં ઈજા થઈ

આ કિસ્સો મહોબાના ગાંધીનગર વિસ્તારના હિંદ ટાયરવાળી શેરીમાં બન્યો છે. અહીં રહેનારા સુરેશ કુમારનો 12 વર્ષનો દિકરો આશિષ કુમાર મોબાઈલમાં રમતો હતો. આ દરમિયાન અચાનક મોબાઈલમાં વિસ્ફોટ થયો હતો અને મોબાઈલ ફાટવાથી માસૂમ ગંભીર રીતે ઘાયલ થઈ ગયો હતો. પરિવારના જણાવ્યા અનુસાર આશિષનો હાથ અને છાતીમાં ભારે ઈજા થઈ છે. પરિવારના લોકો ગંભીર હાલતમાં તેને હોસ્પિટલમાં લઈને પહોંચ્યા હતા, જ્યાં તેને ઈમરજન્સી વોર્ડમાં ભરતી કરવામાં આવ્યા હતો. 

બાળકની હાલત નાજૂક

ઘાયલ બાળકના પિતા સુરેશ કુમારે જણાવ્યું હતું કે, મોબાઈલના કારણે આ દુર્ઘટના છે. મોબાઈલ અચાનક ફાટવાથી દિકરો આ દુર્ઘટનાનો શિકાર બન્યો. તો વળી ડોક્ટર ગુલશેરે જણાવ્યું હતું કે, વિસ્ફોટ એટલો ઘાતક હતો કે, બાળકના હાથ અને છાતીના ભાગમાં ખૂબ ઈજા થઈ હતી. હાલમાં તેની હાલત નાજૂક છે.