મહીસાગરમાં ભાજપના નેતાની પક્ષ વિરોધી કામગીરી સામે આવી છે, તાલુકા પંચાયતના સભ્ય અજય દરજી જોવા મળ્યા અપક્ષ ઉમેદવારની રેલીમાં
મહીસાગર ભાજપના નેતાની પક્ષ વિરોધી કામગીરી સામે આવી
તાલુકા પંચાયતના સભ્ય અજય દરજી જોવા મળ્યા અપક્ષની રેલીમાં
અપક્ષમાં ઉમેદવારી નોંધાવનાર જયપ્રકાશ પટેલનો પ્રચાર પણ કર્યાો
ગુજરાતમાં વિધાનસભા ચૂંટણીને લઈ રાજકીય માહોલ જાકમઝોળ જોવા મળી રહ્યો છે. ભાજપ, કોંગ્રેસ અને આમ આદમી પાર્ટી દ્વારા પ્રચારનો ધમધમાટ બોલાવામાં આવી રહ્યો છે. ભાજપ પોતાની સત્તા વાપસી માટે મજબૂતાઈથી પ્રચાર કરી રહી છે તો કોંગ્રેસ પરિવર્તનની વાત સાથે સત્તામાં બેસવાના જોર મારી રહી છે તો આમ આદમી પાર્ટી પોતાની એન્ટ્રી પાંચ વર્ષ માટે સ્થાપવા માટે કમર કસી રહી છે. આ બધાની વચ્ચે પક્ષમાં અંદરો અંદર ખેચતાણ પણ જોવા મળી રહી છે. મહીસાગર જિલ્લામાં ભાજપના નેતાની પક્ષ વિરોધી કામગીરી સામે આવી છે. જુઓ આ વીડિયો..
ભાજપના નેતાએ જાહેરમાં અપક્ષનો પ્રચાર કર્યો
મહીસાગર ભાજપના નેતાની પક્ષ વિરોધી કામગીરી સામે આવી છે. જેમાં ભાજપના નેતાએ જાહેરમાં અપક્ષમાં પ્રચાર પણ કરતા નજરે ચડ્યા છે. લુણાવાડા મત વિસ્તારમાં ભાજપ નેતાઓ પક્ષ વિરોધી પ્રચાર કરી રહ્યાં છે. ભાજપ છોડી અપક્ષમાં ઉમેદવારી નોંધાવનાર જયપ્રકાશ પટેલનો પ્રચાર કરી રહ્યાં છે. ભાજપમાં તાલુકા પંચાયતના સભ્ય અજય દરજી અપક્ષ ઉમેદવારની રેલીમાં પણ જાવા મળ્યા છે. અજય દરજી સાંસદ રતનસિંહ રાઠોડના અંગત PA પણ છે. ભાજપ જિલ્લા પ્રમુખ સામે વિરુદ્ધ અજય દરજીએ ભાષણ આપ્યું છે. ભાજપ શાસક પક્ષના નેતાની પક્ષ વિરોધી કામગીરી સામે આવી છે.