- મહિન્દ્રાની કાર લેવાનું વિચારી રહ્યાં છો તો જાણો આ બેસ્ટ ઓફર
- Mahindraની આ SUVs પર મળી રહ્યું છે બંપર ડિસ્કાઉન્ટ
- 2.67 સુધીની થશે બચત
જો તમે પણ દિવાળીમાં મહિન્દ્રાની XUV500, XUV300, બોલેરો અને ન્યૂ જનરેશન સ્કોર્પિયોને ઘરે લાવવાનું વિચારી રહ્યાં છો તો તમે 2.63 લાખ રૂપિયા સુધીનું ડિસ્કાઉન્ટ મેળવી શકો છો.
XUV500 પર બેસ્ટ ઓફર
મહિન્દ્રા એસયુવી 500ને હવે અલવિદા કહેવાનો સમય આવી ગયો છે. એટલા માટે કંપનીએ આ મોડલ પર ભારે ડિસ્કાઉન્ટ આપવાની જાહેરાત કરી છે. હાલમાં કાર ચાર ટ્રિમ્સમાં ઉપલબ્ધ છે - W5, W7, W9, અને W11 (O). કંપનીએ ટોપ-એન્ડ વેરિઅન્ટ એટલે કે W11 (O)ની કિંમતમાં 1.79 લાખ રૂપિયાનો ઘટાડો કર્યો છે. કિંમતમાં ઘટાડા ઉપરાંત તે ગ્રાહકોને 50,000 રૂપિયા એક્સચેન્જ ઓફર, કોર્પોરેટ બેનિફિટ્સમાં 13,500 રૂપિયા અને 20,000 રૂપિયા સુધીની મફત એસેસરીઝ પણ ઓફર કરી રહી છે. બેઝ W5 વેરિઅન્ટને છોડીને અન્ય નીચલા ટ્રિમ્સ માટે કંપની W9 અને W7 પર 2.11 લાખ રૂપિયાનું ભારે ડિસ્કાઉન્ટ અને ઓફર્સ આપી રહી છે.
બુલેરો પર 21,000 રૂપિયા સુધીની છૂટ
કંપની મહિન્દ્રા બુલેરોના તમામ ટ્રિમ્સ B4, B6, અને B6 (O) પર કુલ 21 હજાર રૂપિયાનું ડિસ્કાઉન્ટ આપી રહી છે. તેમાંથી 3,000 રૂપિયાનું કેશ ડિસ્કાઉન્ટ, 11,000 રૂપિયાનું કોર્પોરેટ બેનિફિટ અને 6,500 રૂપિયાની એસેસરીઝ આપવામાં આવી રહી છે.
XUV300 પર 61000 હજાર સુધીની ઓફર
મહિન્દ્રાએ SUV 300 મોડલ પર 46,000 રૂપિયાનું ડિસ્કાઉન્ટ અને બેનિફિટ્સ ઉપરાંત 15,000 રૂપિયાનું કેશ ડિસ્કાઉન્ટ આપવાનું કહ્યું છે. આ કારને બજારમાં 4 ટ્રિમ્સમાં રજૂ કરવામાં આવી છે - W4, W6, W8, અને W8 (O). બેઝ W4 ટ્રિમ સિવાય, તમામ ટ્રિમ્સને ડિસ્કાઉન્ટ અને બેનિફિટ્સ મળે છે જેમાં ફક્ત એક્સચેન્જ અને કોર્પોરેટ બેનિફિટ્સ સામેલ છે.
સ્કોર્પિયો પર પણ સારી ઓફર છે
મહિન્દ્રાની બેસ્ટ સેલિંગ પોપ્યુલર કારની લિસ્ટમાં સામેલ સ્કોર્પિયો પર પણ ભારે ડિસ્કાઉન્ટ મળી રહ્યું છે. તે કંપનીના તમામ પાંચ ટ્રિમ લેવલ્સ પર ડિસ્કાઉન્ટ અને બેનિફિટ્સ સાથે આવે છે. S5 ટ્રિમને 23,000 રૂપિયાના ડિસ્કાઉન્ટ સાથે તમામ ટ્રિમમાં સૌથી વધુ લાભ મળે છે જેમાં 13,000 રૂપિયાની એસેસરીઝનો સમાવેશ થાય છે. S7, S9 અને S11 ટ્રિમ્સ પર 7,000 રૂપિયાની એસેસરીઝ સાથે કોર્પોરેટ ડિસ્કાઉન્ટ પણ સામેલ છે. બેઝ ટ્રિમને 5,000 રૂપિયાની એસેસરીઝ સાથે સૌથી ઓછું ડિસ્કાઉન્ટ મળે છે અને 10,000 રૂપિયાના કોર્પોરેટ બેનિફિટ્સ પણ મળે છે.
KUV100 NXT પર બેસ્ટ ડીલ
મહિન્દ્રા KUV100 NXT K2, K4 અને K8માં ઉપલબ્ધ છે. ત્રણેય ટ્રિમ્સ પર અનુક્રમે 16,000, 23,000 અને 38,000 રૂપિયાનું કેશ સ્લેશ હશે. તમામ વેરિઅન્ટ્સને 3,000 રૂપિયાના કોર્પોરેટ બેનિફિટ્સ મળશે.
