મહિન્દ્રા બોલેરોSUV મહિન્દ્રા એન્ડ મહિનેદ્રાની સૌથી વધારે વેચાવાવાળી કાર છે. તે બાદ સ્કોર્પિયો, XUV300, XUV500 અને KUV100 બીજા ત્રીજા અને ચોથા ક્રમાંકે છે.
મહિન્દ્રા બોલેરો બની નંબર વન કાર
ઓટોમોબાઇલ્સની દુનિયામાં કર્યો કબજો
સૌથી વધુ વેચાઇ મહિન્દ્રા બોલેરો
જૂનમાં મહિન્દ્રા બોલેરો SUVનુ વેચાણ 3292 યુનિટ રહ્યું હતુ. સ્કોર્પિયોના વેચાણમાં 2,574 યુનિટ, XUV300 1,812 યુનિટ, XUV500 231 યુનિટ અને KUV100 49 યુનિટનું વેચાણ હતું. જૂન મહિનામાં મહિન્દ્રાની કુલ પેસેન્જર વાહનોનું વેચાણ 7,959 યુનિટ્સ હતું. આ સાથે મહિન્દ્રા એન્ડ મહિન્દ્રા ગયા મહિને વેચાણના સંદર્ભમાં દેશમાં ચોથા નંબરે છે. જો કે, જૂન 2019 ની તુલનામાં, આ વર્ષે કંપનીના વેચાણમાં 55% ઘટાડો થયો છે.
બોલેરોની કિંમત
મહિન્દ્રા બોલેરો વિશે વાત કરીએ, તો તેનું અપડેટ થયેલ મોડેલ માર્ચના અંતમાં લોન્ચ કરવામાં આવ્યું હતું. બોલેરો ફેસલિફ્ટને ફ્રેશ લુક, બીએસ 6 એન્જિન અને સારી સલામતી સુવિધાઓ સાથે બજારમાં લોન્ચ કરવામાં આવી છે. તે ત્રણ પ્રકારોમાં ઉપલબ્ધ છે - બી 4, બી 6, બીએસ 6 (ઓ) તેની કિંમત અનુક્રમે 7.98 લાખ, 8.64 લાખ અને 8.99 લાખ છે. આ કિંમતો એક્સ શોરૂમ દિલ્હીની છે.
ફ્રેશ લુક અને અપડેટ એન્જિન
અપડેટ કરેલા બોલેરોમાં મોટાભાગના ફેરફારો તેના આગળના ભાગમાં થયા છે. તેમાં નવી ગ્રિલ, રિવાઇઝ્ડ હેડલેમ્પ અને નવા બમ્પર છે. બોલેરોમાં BS6- અનુરૂપ 1.5-લિટર, 3-સિલિન્ડર ડીઝલ એન્જિન 5-સ્પીડ મેન્યુઅલ ગિયરબોક્સથી સજ્જ છે.
આવી રહી છે નવી થાર
બીજી તરફ, મહિન્દ્રા આગામી કેટલાક મહિનામાં ન્યૂ જનરેશન થાર લાવવાની છે. નવા થારના દેખાવ અને આંતરિક ભાગમાં મોટા ફેરફારો થશે. સૌથી મોટો ફેરફાર તેના એન્જિનમાં આવશે. ન્યૂ જનરેશન થાર એક નવો પેટ્રોલ એંજિન અને ઓટોમેટિક ગિયરબોક્સ સાથે આવશે. ઓટોમેટિક ટ્રાન્સમિશન, એસયુવીના પેટ્રોલ અને ડીઝલ એમ બંને વિકલ્પોમાં ઉપલબ્ધ રહેશે.