દુ:ખદ / ફિલ્મ સ્ટાર મહેશ બાબૂએ મોટા ભાઈના નિધન પર લખેલી ઈમોશનલ પોસ્ટ વાયરલ, વાંચીને થઈ જશો ભાવૂક

• ટોલીવુડ અભિનેતા-પ્રોડ્યુસર રમેશ બાબૂનું 56 વર્ષની ઉંમરે નિધન
• મહેશ બાબૂએ શોક દર્શાવી સોશિયલ મીડિયામાં લાગણીશીલ પોસ્ટ શેર કરી
• અભિનેતા આઈસોલેશનમાં હોવાથી મોટાભાઈની અંતિમ વિધિમાં નહીં જોડાય

મહેશ બાબૂએ ટ્વિટર પર શેર કરી ઈમોશનલ પોસ્ટ 

અભિનેતા કોરોના પોઝીટીવ છે અને આઈસોલેશનમાં છે, જેના કારણે તેઓ પોતાના ભાઈની અંતિમ વિધિમાં જઇ શકશે નહીં. મહેશ બાબૂએ પોતાના ભાઈને યાદ કરીને ટ્વિટર પર ઈમોશનલ પોસ્ટ શેર કરી છે. અભિનેતાએ પોતાના ભાઈની જૂની તસ્વીર શેર કરી કેપ્શન લખ્યું, "તમે મારી પ્રેરણા રહ્યાં છો, તમે મારી તાકાત છો. તમે મારી હિંમત છો. તમે મારું સર્વસ્વ છો. જો તમે મારી સાથે ના હોત તો હું અત્યારે અહીં પણ ના હોત. તમે મારા માટે જે કઈ પણ કર્યુ છે, તેના માટે આભાર. હવે બસ આરામ કરો...આરામ કરો... હવે જીવનમાં હું આગળ જે પણ જન્મ લઇશ, એ બધામાં તમે મારા અન્ના રહેશો. લવ યૂ હંમેશા અને હંમેશા માટે."

pic.twitter.com/pAhrH2Npc2

— Mahesh Babu (@urstrulyMahesh) January 9, 2022

અંતિમ વિદાય આપવા માટે પરિવારજનો પદ્માલયા સ્ટૂડિયો પહોંચ્યા

રમેશ બાબૂનુ નિધન હાર્ટ એટેકના કારણે થયુ હતુ. આજે તેની અંતિમ વિધિ મહાપ્રસ્થાનમમાં કરવામાં આવશે. અંતિમ સમયમાં વિદાય આપવા માટે પરિવારજનો પદ્માલયા સ્ટૂડિયો પહોંચ્યા. મહેશ બાબૂ આઈસોલેશનમાં છે. જેના કારણે તેઓ અંતિમ વિધિમાં જોડાશે નહીં. આ વાતની જાણકારી મહેશ બાબૂના પ્રવક્તાએ સોશિયલ મીડિયામાં આપી હતી. પરિવારના અન્ય સભ્ય સુધીર બાબૂ અને નરેશ સ્ટૂડિયોમાં પહોંચ્યા છે. આ સિવાય એમએએ અધ્યક્ષ વિષ્ણુ માંચૂ પણ સામેલ થયા. તેમણે પરિવાર પ્રત્યે સંવેદના દર્શાવી હતી. આ સિવાય ચિરંજીવી, પવન કલ્યાણ, નીતિન, વરૂણ તેજ, રકુલપ્રીત સિંહ  સહિત અન્ય સેલિબ્રિટીઓએ સોશિયલ મીડિયામાં શ્રદ્ધાંજલી આપી.