સુધીર ગૌતમ ટીમ ઇન્ડિયાનો સૌથી મોટો ફેન છે. સુધીર ટીમ ઇન્ડિયાની લગભગ તમામ મેચમાં જોવા મળે છે. સુધીરની ઓળખ આમ તો સચિન તેંડુલકરના સૌથી મોટા ફેન તરીકે થાય છે પરંતુ ઇન્ટરનેશનલ ક્રિકેટમાં સચિનની રિટાર્યમેન્ટ પછી તે 'મિસ યૂ તેંડુલકર'ના પેન્ટની સાથે સ્ટેડિયમમાં ટીમ ઇન્ડિયાની મેચ જોવા માટે પહોંચે છે. પરંતુ આ વખતે સુધીર 'ક્રિકેટના ભગવાન' એટલે કે સચિનને ત્યાં નહી પરંતુ 'કેપ્ટન કૂલ' ગણાતા મહેન્દ્ર સિંહ ધોનીના ઘરે લંચ માટે પહોંચ્યો હતો. સુધીરે આ વાતની જાણકારી પોતાના સોશ્યલ મીડિયા ટ્વિટર પર આપી હતી.
— Sudhir Kumar Gautam (@Sudhir10dulkar) June 1 2018
સુધીરે 'કેપ્ટન કૂલ'ના પરિવારની સાથે ફોટો ટ્વીટ કરતા લખ્યુ કે ''કેપ્ટન કૂલની સાથે ખાસ દિવસ અને પરિવારની સાથે ફાર્મ હાઉસ પર સ્પેશિયલ લંચ શબ્દોમાં આ લાગણી નહી વર્ણવી શકું મહેન્દ્ર સિંહ ધોની અને સાક્ષી દીનો આભાર IPL 2018 જીત્યા પછી કેપ્ટન આરામ ફરમાવી રહ્યા છે.''
ધોનીની કેપ્ટન્સીમાં ચેન્નાઇ સુપરકિંગ્સ (CSK)એ ઇન્ડિયન પ્રીમિયર લીગ (IPL)નું ટાઇટલ જીત્યુ. આ ચેન્નાઇ સુપર કિંગ્સની ત્રીજું IPL ટાઇટલ છે.
મહેન્દ્ર સિંહ ધોની ટીમ ઇન્ડિયામાંથી આયરલેન્ડ વિરુદ્ઘ 2 T-20 ઇન્ટરનેશનલ મેચ રમશે. જે પછી ટીમ ઇન્ડિયા ઇંગ્લેન્ડના પ્રવાસ પર 3 T-20 3 વન ડે અને 5 ટેસ્ટ મેચ રમશે. ધોની સીમિત ઑવરોની મેચમાં ટીમ ઇન્ડિયામાં રમશે.