Mumbai Fire VIDEO / મુંબઇના કાંજુરમાર્ગમાં આવેલી ઇમારતમાં ભીષણ આગ, 10થી વધુ ફાયર ગાડીઓ ઘટનાસ્થળે

• મુંબઇમાં ફરી એક બિલ્ડિંગમાં લાગી ભીષણ આગ
• લેવલ 2ની આગ લાગતા ફાયરની 10થી વધારે ગાડીઓ ઘટનાસ્થળે
• અગાઉ પણ સામે આવી ચૂકી છે આગની અનેક ઘટનાઓ

તમને જણાવી દઇએ કે, આ અગાઉ હજુ થોડાંક દિવસો પહેલાં જ મુંબઇના જ કાંજુરમાર્ગ વિસ્તારમાં ઘાસના મેદાનમાં પણ આગ લાગી હતી. જ્યાં કાંજુરમાર્ગ મેટ્રો કાર ડેપોમાં ઉપલબ્ધ સૂકા ઘાસમાં ભીષણ આગ લાગી હતી. આ આગ લાગ્યા બાદ નીકળતો ધુમાડો અનેક કિલોમીટર દૂરથી જોઇ શકાતો હતો. કારણ કે આગ હંમેશા સૂકા ઘાસમાં વધારે તેજીથી ફેલાતી હોય છે. આ સાથે આ ભીષણ આગના કારણે સમગ્ર વિસ્તારમાં કાળો-કાળો ધુમાડો પ્રસરાઇ ગયો હતો.

#WATCH | Maharashtra: A level 2 fire breaks out in NG Royal Park area in Kanjurmarg of Mumbai. Around 10 fire tenders are present at the spot. Fire fighting operations are underway. pic.twitter.com/qUGk4j4Crd

— ANI (@ANI) February 28, 2022

20 માળની બિલ્ડિંગમાં આગ લાગવાથી 7નાં મોત

ઉલ્લેખનીય છે કે, આ પહેલાં મુંબઇના તાડદેવમાં ભાટિયા હોસ્પિટલ પાસે 20 માળની કમલા બિલ્ડિંગમાં લેવલ 3ની આગ હતી. ફાયરબ્રિગેડની 13 ગાડીઓ ઘટનાસ્થળે પહોંચી ગઇ હતી. BMC એ જાણકારી આપી હતી કે, 7 લોકોના મોત થઇ ગયા હતાં. જેમાંથી 4 લોકોને નાયર હોસ્પિટલ ખાતે લઇ જવાયા હતાં. અહીંયા 2 લોકોને મૃત જાહેર કરાયા હતાં. જ્યાં 15 લોકોને ભાટિયા હોસ્પિટલ લઇ જવાયા હતાં.

તો બીજી બાજુ વર્લી વિસ્તારમાં પણ એક ચાલીમાં ગેસ સિલિન્ડર ફાટ્યા બાદ આગ લાગવાની ઘટનામાં એક પરિવારના ત્રણ લોકોએ દમ તોડ્યા બાદ દુર્ઘટનામાં બચેલ એક 6 વર્ષના બાળકને શિવસેનાએ દત્તક લીધું હતું. મુંબઇની મેયર કિશોરી પેડનેકરે જણાવ્યું કે, તેઓ પુણેમાં પોતાના નાનાની સાથે રહેશે. મેયરે કહ્યું કે, 6 વર્ષના બાળકોના અભ્યાસનો ખર્ચ શિવસેના ઉઠાવશે. આ સાથે જ બાળક માટે રૂપિયા 15 લાખની આર્થિક સહાયતા પણ કરાઇ હતી.