મહામારી / મહારાષ્ટ્રમાં સંપૂર્ણ લૉકડાઉન જેવા વધુ કડક પ્રતિબંધો, લગ્નમાં માત્ર 25 લોકો, ઓફિસમાં 15 ટકા હાજરી

• મહારાષ્ટ્રમાં કડક પ્રતિબંધો જાહેર 
• લગ્નમાં ફક્ત 25 લોકોને જ મંજૂરી 
• 2 કલાકમાં  લગ્ન આટોપી લેવા પડશે
• લગ્નના આ નિયમો ભંગ થયો તો 50,000 નો તગડો દંડ

મહારાષ્ટ્ર દ્વારા જારી થયેલા નવા આદેશાનુસાર, લગ્નમાં ફક્ત 25 લોકોને જ મંજૂરી આપવામાં આવી છે તથા લગ્નને 2 કલાકમાં જ આટોપી લેવા પડશે.

લગ્નના આ નિયમો ભંગ થયો તો 50,000 નો તગડો દંડ ફટકારવામાં આવશે. ઓફિસમાં સ્ટાફની સંખ્યા પણ ઘટાડીને 15 ટકા કરવામાં આવી છે. આ તમામ કડક પ્રતિબંધો 22 એપ્રિલથી 1 મે સુધી અમલી રહેશે. બસોમાં 50 ટકા મુસાફરોને જ મંજૂરી આપવામાં આવી છે.  

24 કલાકમાં કોરોનાના 67,468 કેસ, 568 લોકોના મોત 

રાજ્યમાં એક દિવસમાં કોરોનાથી થયેલા મોતનો આ સૌથી મોટો આંકડો છે. પુણેમાં છેલ્લા 24 કલાકમાં 10,852 કેસ આવ્યાં છે અને 35 લોકોના મોત થયા છે.
નાગપુરમાં 7555 કેસ આવ્યાં અને 41 લોકોના મોત થયા છે. 

24 કલાકમાં દેશમાં 2020 કોરોના દર્દીઓના મોત 

ભારતમાં કોરોનાનો કહેર યથાવત છે.  દર રોજ નવા કેસ રેકોર્ડ બનાવી રહ્યા છે. પણ આ વખતે મોતના આંકડાઓએ તમામ રેકોર્ડ તોડી નાંખ્યા છે. કોરોનાની બીજી લહેરમાં દેશમાં પહેલી વાર ન ફક્ત કેસ 3 લાખની નજીક આવ્યા છે  બલ્કે સૌથી વધારે 2 હજાર મોત પણ થયા છે. આ રીતે મહામારીની બીજી લહેર  દર રોજ પોતાનો રેકોર્ડ તોડી રહી છે. વર્લ્ડોમીટર મુજબ મંગળવારે રાતે 12 વાગે 24 કલાકમાં દેશમાં 2020 કોરોના દર્દીઓના મોત થયા છે. 

મંગળવારે 2, 94,115 કરોના વાયરસના નવા સંક્રમિત મળ્યા 

આંકડા મુજબ આ સમયમાં મંગળવારે 2, 94,115 કોરોના વાયરસના નવા સંક્રમિત મળ્યા છે. આ દેશમાં એક દિવસમાં મળેલા કુલ નવા સંક્રમિતોના સૌથી મોટી સંખ્યા છે. સતત 5માં દિવસે કોરોનાથી રેકોર્ડ બ્રેક મોત નોંધાયા છે. આ મહામારીની શરુઆતથી લઈને અત્યાર સુધીના એક દિવસમાં નોંધાયેલી સૌથી મોટી સંખ્યા છે. મરનારાની કુલ સંખ્યા વધીને 1,82, 570 થઈ છે. જ્યારે અત્યાર સુધીમાં કુલ સંક્રમિતોની સંખ્યા 1, 56, 09, 004 છે. દેશમાં એક્ટિવ કેસની સંખ્યા 21, 50, 119 છે. કુલ સંક્રમિતોની સંખ્યા 13. 8 ટકા છે.