સમસ્યા / VIDEO: ભર ઉનાળે આ ગામમાં આજે પણ પાણી માટેનાં વલખાં, 60 ફુટ ઉંડે કુવામાં ઉતરે છે મહિલાઓ

કહેવાય છે કે જળ એ જ જીવન અને આવું કહેવામાં પણ કેમ ના આવો કેમ કે આની વગર તો સંપૂર્ણ જીવન અધૂરૂ છે. વિશ્વની ભૌગોલિક રૂપરેખા એ પ્રકારની છે કે ક્યાંક ભરપૂર માત્રામાં પાણી છે તો ક્યાંક પાણીની માત્રા ન બરાબર છે. દેશનાં અનેક ભાગોમાં તો વર્ષો-વર્ષ સુધી પાણીની સમસ્યા જોવાં મળે છે. પરંતુ ક્યાંક પાણી છે પરંતુ તેને જન-જન સુધી પહોંચાડવાનું કામ હજી સુધી નથી કરવામાં આવ્યું. મહારાષ્ટ્રનાં નાશિક સ્થિત બારદેવડીમાં પીવાનાં પાણીનું એવું સંકટ છે કે મહિલાઓ પાણી માટે 60 ફૂટ ઉંડા કુવામાં ઉતરે છે.

The water shortage in Nashik districts tribal areas is acute. In Bardewadi a settlement of 500 tribals women lower themselves into a 60 ft well with ropes to fetch water. A substantial part of these women's schedule involves fetching water for their households.@IndianExpress pic.twitter.com/U3iFalBH8k

— zeeshan shaikh (@zeeshansahafi) April 23, 2019

એક ન્યૂઝ ચેનલનાં પત્રકાર જીશાન શેખે આનો એક વીડિયો પણ પોતાનાં ટ્વિટર પર શેર કર્યો છે. આ વીડિયોમાં સ્પષ્ટ દેખાઇ આવે છે કે કેવી રીતે એક મહિલા પાણીનો ડબ્બો હાથમાં લઇને 60 ફૂટ ઉંડા કુવામાં ઉતરી રહેલ છે. એટલું જ નહીં પરંતુ કુવામાં પહેલેથી જ અન્ય કેટલીક મહિલાઓ હાજર છે. આ દરમ્યાન તે દરેક પાણીને ભરવા અને તેને ઉપર પહોંચાડવામાં મદદ કરી રહેલ છે. કુવાની અંદર અનેક દોરડાંઓને લટકતા જોઇ શકાય છે.

પત્રકારે પોતાનાં ટ્વિટમાં કહ્યું કે, 'નાશિક સ્થિત બારદેવડીની આ આદિવાસી મહિલાઓ 60 ફૂટ ઉંડા કુવામાં ઉતરીને દોરડાંઓને આધારે પાણી ખેંચી રહી છે. આ દરમ્યાન આ મહિલાઓને મોટા ભાગનો સમય ઘરનું પાણી લાવવામાં જ જતો રહે છે.'