Omicron Variant / મહારાષ્ટ્રમાં ઓમિક્રોનનાં વધુ સાત કેસ નોંધાતા હડકંપ, દેશમાં કુલ 12 કેસ થયા

દેશમાં કોરોનાના નવા પ્રકારોનો પ્રકોપ હવે રોજ વધી રહ્યો છે. રવિવારે સવાર સુધીમાં દેશમાં 5 ઓમિક્રોન કેસ નોંધાયા હતા. પરંતુ સાંજ સુધીમાં મહારાષ્ટ્રમાંથી ઓમિક્રોનના વધુ 7 કેસ નોંધાયા છે.

જેમાં પિંપરીમાં વધુ 6 અને પુણેમાં વધુ 1 કેસ નોંધાયા છે. આ સાથે મહારાષ્ટ્રમાં અત્યાર સુધીમાં કુલ 8 કેસ નોંધાયા છે. જ્યારે સમગ્ર દેશમાં 12 કેસ સામે આવ્યા છે. ઉલ્લેખનીય છે કે, કોરોનાના બીજા તરંગની સૌથી વધુ અસર મહારાષ્ટ્રમાં જ જોવા મળી હતી.

રાજધાનીમાં રવિવારે પાંચમો કેસ સામે આવ્યો
આ પહેલા શનિવારે મહારાષ્ટ્રમાંથી ઓમિક્રોન વેરિઅન્ટનો પહેલો કેસ નોંધાયો હતો. જે બાદ દેશમાં 4 ઓમિક્રોન વેરિઅન્ટના કેસ સામે આવ્યા હતા. ત્યારબાદ રવિવારે સવારે દિલ્હીમાં વધુ એક કેસ નોંધાયો હતો.

Seven more people tested positive for the #Omicron variant of COVID19 in Maharashtra. Total 8 cases of Omicron variant reported in Maharashtra so far: State Public Health Dept

— ANI (@ANI) December 5, 2021

આ લોકોએ મહારાષ્ટ્રમાં મચાવ્યો હડકંપ 
44 વર્ષીય મહિલા, જે ભારતીય મૂળની નાઈજિરિયન નાગરિક છે, તેની 12 વર્ષ અને 18 વર્ષની બે દીકરીઓ સાથે 24 નવેમ્બરે પુણેની બાજુમાં આવેલા પિંપરી ચિંચવાડમાં તેના ભાઈને મળવા નાઈજિરિયાના લેગાસથી આવી હતી. ત્રણેયના જિનોમ સિક્વન્સિંગ રિપોર્ટમાં આ ઓમિક્રોન વેરિઅન્ટ પોઝિટિવ જોવા મળ્યા છે. આ સાથે, તેનો 45 વર્ષીય ભાઈ અને તેની 1.5 અને 7 વર્ષની બે પુત્રીઓ પણ ઓમિક્રોન વેરિઅન્ટમાં પોઝિટિવ મળી આવી છે. આ 6 લોકોમાંથી 3 લોકોની ઉંમર 18 વર્ષથી ઓછી છે અને સ્વાભાવિક છે કે તેમને કોરોનાની કોઈ રસી નથી મળી.