ભાવનગર / યુવરાજસિંહના પેપરલીકના દાવા બાદ ભાવનગર યુનિ.ના સત્તાધીશોને આવ્યો રેલો, 3 સભ્યોની કમિટી કરશે તપાસ

Team VTV 05:34 PM, 03 Apr 23
Follow us
Maharaja Krishnakumarsinghji University Paper Leak Case

ભાવનગર મહારાજા કૃષ્ણકુમારસિંહજી યુનિવર્સીટીનું પેપરલીક થયાનો દાવો થતા સત્તાધીશો હરકતમાં આવ્યા છે અને પેપર લીક મામલાને લઈ પોલીસ સ્ટેશનમાં અરજી આપી છે

  • મહારાજા કૃષ્ણકુમારસિંહજી યુનિવર્સિટીનું પેપરલીક
  • B.Comના છઠ્ઠા સેમેસ્ટરનું પેપરલીક
  • ભાવનગર યુનિવર્સિટીએ પોલીસમાં આપી અરજી

 

ભાવનગર મહારાજા કૃષ્ણકુમારસિંહજી યુનિવર્સીટીમાં ચાલતી પરિક્ષાઓમાં ગત શનિવારે બપોરે એક પેપર લીક થયાનો દાવો થતા સત્તાધીશો હરકતમાં આવ્યા છે. હવે આ મામલો પોલીસ મથક સુધી પહોંચી ગયો છે. ભાવનગર યુનિવર્સીટીમાં શનિવારે બપોરે 3 વાગે બી કોમનું સેમેસ્ટર-6નું પેપર હતું. જે પેપર થોડા સમય પહેલા જ મોબાઈલમાં વાયરલ થયો છે તેવો દાવો વિદ્યાર્થી નેતા યુવરાજસિંહ દ્વારા કરવામાં આવ્યો હતો. 

વિદ્યાર્થી નેતા યુવરાજસિંહે કર્યું ટ્વીટ
વિદ્યાર્થી નેતા યુવારાજસિહ વોટ્સએપના સ્ક્રીન શોટ લઇને પોતે ટ્વીટ કર્યું હતું. આ પેપર લીકના મામલે યુનિવર્સિટીનું તંત્ર હવે જાગ્યું છે અને સમગ્ર મામલો પોલીસ સ્ટેશન સુધી પહોંચ્યો છે અને અરજી આપી તપાસની માંગ કરી છે. તેમજ સત્તાધીશો દ્વારા 3 સભ્યોની કમિટી બનાવી છે આ કમિટીમાં રજીસ્ટાર અને 2 ઈસી સભ્યોનો પણ સમાવેશ કરવામાં આવ્યો છે. આ કમિટી જે 10 દિવસમાં અહેવાલ ઉપકુલપતિને રજૂ કરશે. આ ઉપરાંત યુનિવર્સિટીના સંચાલકોએ 14 સેન્ટરો કે, જ્યાં પરીક્ષા લેવાય છે ત્યાંના સીસી ટીવી ફૂટેજ પણ પોલીસને આપ્યા છે. 

કુલ 2700 વિદ્યાર્થીઓ પરીક્ષા આપી હતી
ભાવનગર યુનિવર્સિટીની આ પરીક્ષામાં કુલ 2700 વિદ્યાર્થીઓ પરીક્ષા આપી હતી જેમાં બોટાદ કેન્દ્રનો પણ સમાવેશ થાય છે. પોલીસે હવે તપાસ હાથ ધરી છે. બીજી બાજુ એબીવીપી અને એનએસયુઆઈ દ્વારા આ મામલે પરીક્ષા નિયામકને આવેદનપત્રો આપીને પેપર લીક કરનારા સામે કડક કાર્યવાહી કરવાની માંગ કરાઈ છે તેમજ એનએસયુઆઈએ આ પરીક્ષા રદ કરવા પણ માંગ કરી છે.  સમગ્ર મામલો યુનિવર્સિટીના સત્તાધીશોનું કહેવું છે કે, હવે સમગ્ર મામલો પોલીસને સોંપી દેવાયો છે અને પોલીસ આગળની તપાસ હાથ ધરશે 

 

bhavnagar news Maharaja Krishnakumarsinghji University paper leak case યુનિવર્સિટીનું પેપરલીક

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ