અયોધ્યા / રામ જન્મભૂમિ તીર્થ ક્ષેત્ર ટ્રસ્ટના અધ્યક્ષ તરીકે આ વ્યક્તિની કરાઇ પસંદગી

• રામમંદિર ટ્રસ્ટના અધ્યક્ષ બન્યા મહંત નૃત્ય ગોપાલદાસ
• પ્રથમ બેઠકમાં સત્તાવાર રીતે કરાઇ જાહેરાત
• બેઠકમાં 9 ઠરાવો પણ પસાર કરવામાં આવ્યા 

રામલલાના મુખ્ય પૂજારી સત્યેન્દ્રદાસે જણાવ્યું છે કે અત્યારે જ્યાં રામલલા બિરાજમાન છે, તે ગર્ભગૃહ છે, પરંતુ મંદિર નિર્માણ માટે આ જગ્યા ખાલી કરવી પડશે અને તેથી રામલલાને 150 મીટર દૂર આવેલા માનસ મંદિરમાં રાખવામાં આવશે. કામચલાઉ ધોરણે મંદિર બનાવીને ત્યાં રામલલાની પૂજા-અર્ચના કરવામાં આવશે.

મંદિર ન બને ત્યાં સુધી રામલલાને બુલેટપ્રુફ કોટેજમાં રાખવામાં આવશે 

અયોધ્યામાં ભગવાન રામલલાને પણ ખાસ સુરક્ષા વ્યવસ્થા આપવામાં આવશે. ભગવાન રામલલાને બુલેટપ્રુફ કોટેજમાં રખાશે. જ્યાં સુધી મંદિર નહી બને ત્યા સુધી ભગવાનને બુલેટપ્રુફ કોટેજમાં રાખવાનો નિર્ણય લેવાયો છે. શ્રીરામ જન્મભૂમિ તીર્થક્ષેત્ર ટ્રસ્ટની પ્રથમ બેઠક મળી હતી જેમાં આ નિર્ણય લેવાયો છે. સાથે જ મંદિર નિર્માણ માટે 4 શુભ મૂહુર્ત પર પણ બેઠકમાં વિચારણા કરવામાં આવી હતી. તો આગામી 2 માસના 4 શુભ મૂહુર્ત પર બેઠકમાં ચર્ચા કરવામાં આવી હતી.

First meeting of the Ram Mandir Trust; Nitya Gopal Das named President of the Trust https://t.co/6S7jl4Ag3x

— ANI (@ANI) February 19, 2020

કેવું હશે રામ મંદિર ?

આ મોડલ ભગવાન વિષ્ણુના પસંદના અષ્ટકોણીય આકારમાં હશે, નાગર શૈલીમાં પૂર્ણતયા પથ્થરથી બનાવાશે મંદિર, 2 માળના મંદિરમાં 5 પ્રવેશદ્વાર હશે, મંદિર 128 ફૂટ ઊંચુ અને 140 ફૂટ પહોળુ હશે, મંદિરની લંબાઈ 268.5 ફૂટ હશે , 2 માળના મંદિરમાં 212 સ્તંભ હશે, મંદિરની છતમાં એક શિખર હશે, શિખરને ભવ્યતાને ધ્યાનમાં રાખીને બનાવાશે, મંદિરમાં સિંહદ્વાર, નૃત્યમંડપ, રંગ મંડપ, પૂજા-કક્ષ અને ગર્ભગૃહ હશે, રામલલાની મૂર્તિ નિચલા સ્તરે જ બિરાજમાન હશે , મંદિરમાં ક્યાંય પણ લોખંડનો ઉપયોગ નહીં કરવામાં આવે, મંદિર નિર્માણમાં 1.75 લાખ ઘન ફૂટ પથ્થરનો ઉપયોગ થશે, 2024-25 સુધીમાં તૈયાર થઈ શકે છે રામ મંદિર.