બેપનાહ પ્રેમની નવી પરિભાષા લખનારા ફક્ત મુગલ બાદશાહ શાહજહાં નહોતા. વિશ્વમાં એવા ઘણાં લોકો છે, જે દરરોજ પોતાના પ્રેમને સાબિત કરવામાં પરાકાષ્ટા સુધી પહોંચે છે.
બેપનાહ પ્રેમ, આ છે નવા જમાનાના શાહજહાં
પતિએ પત્નીને ભેટમાં આપ્યું તાજમહેલ જેવુ ઘર
મધ્ય પ્રદેશના શિક્ષણવિદ્દ આનંદ પ્રકાશ ચોક્સીએ બનાવ્યું
તાજમહેલ જેવુ દેખાતુ ઘર પત્નીને ભેટમાં આપ્યું
મધ્ય પ્રદેશના બુરહાનપુરમાં આવી ઘટના સામે આવી છે. જ્યાં એક શખ્સે પોતાની પત્નીને તાજમહેલ જેવુ દેખાતુ ઘર ભેટમાં આપ્યું છે. જેને બનાવવા અને સજાવવામાં ત્રણ વર્ષનો સમય થયો છે. જાણકારી મુજબ, આ ઘરમાં ચાર બેડરૂમ, એક કિચન, લાઈબ્રેરી, મેડિટેશન રૂમ છે. આ આલીશાન ઘરનું ક્ષેત્રફળ મીનારની સાથે 90*90 જણાવવામાં આવી રહ્યું છે.
પત્નીને ભેટમાં આપ્યો
તાજમહેલ જેવુ દેખાતુ આ ઘર મધ્ય પ્રદેશના શિક્ષણવિદ્દ આનંદ પ્રકાશ ચોકસીએ બનાવ્યું છે. તેમણે જણાવ્યું કે પહેલાં તાજમહેલને તાપ્તી નદીના કિનારે બનાવવામાં આવતુ હતુ. પરંતુ બાદમાં તેને આગ્રામાં બનાવવામાં આવ્યું. તેમણે જણાવ્યું કે તેઓ જ્યારે પણ તાજમહેલને જોતા હતા ત્યારે તેમને અફસોસ થતો હતો કે આ મધ્ય પ્રદેશમાં કેમ નથી. એવામાં તેમણે પોતાનો પ્રેમ, પોતાની પત્ની મંજૂસા ચોક્સેને ભેટમાં તાજમહેલ જેવુ ઘર આપી દીધુ. ઘર બનાવનાર એન્જિનિયર પ્રવીણ ચોક્સી જણાવે છે કે આ કપરા સમયને પૂર્ણ કરવામાં ત્રણ વર્ષનો સમય ગયો.
શું ખાસિયત છે આ આલીશાન ઘરની
તાજમહેલ જેવુ દેખાતુ આ ઘરનું ક્ષેત્રફળ 90*90 છે. એન્જિનિયર પ્રવીણ ચોક્સે મુજબ, આ ઘરની ઉંચાઈ 29 ફૂટ રાખવામાં આવી છે. જેમાં તાજમહેલ જેવા મીનાર જેવી નકલ કરવામાં આવી છે. આ સિવાય ઘરનો ફ્લોર રાજસ્થાનના મકરાના જેવો બનાવવામાં આવ્યો છે. ઘરની અંદરનું બંગાળી કોતરણીકામ ઈન્દોરના કારીગરોએ કર્યુ છે અને ફર્નિચર સુરત અને મુંબઈના કલાકારોએ બનાવ્યું છે. ઘરમાં એક મોટો હોલ, બે બેડરૂમ નીચે તો બે બેડરૂમ ઉપર છે.