મધ્યપ્રદેશ / સુપ્રીમ કોર્ટના આદેશ બાદ કમલનાથ સરકાર પર સંકટ વધ્યું, કોંગ્રેસ આવી ટૅન્શનમાં

• મધ્ય પ્રદેશના રાજકીય ઘટનાક્રમ પર સુપ્રીમ કોર્ટે મોટો આદેશ આપ્યો
• કાલે મધ્ય પ્રદેશ વિધાનસભાનું સત્ર ફરી બોલાવવામાં આવે : સુપ્રીમ કોર્ટ

મધ્ય પ્રદેશના રાજકીય ઘટનાક્રમ પર સુપ્રીમ કોર્ટે મોટો આદેશ આપ્યો છે. સુપ્રીમ કોર્ટે કહ્યું છે કે કાલે મધ્ય પ્રદેશ વિધાનસભાનું સત્ર ફરી બોલાવવામાં આવે. કોર્ટે કહ્યું કે કમલનાથ સરકાર કાલે સાંજે 5 વાગ્યા સુધીમાં બહુમતી સાબિત કરે. સુપ્રીમ કોર્ટે ગૃહની કાર્યવાહીનું વીડિયોગ્રાહી કરાવવાનો આદેશ આપ્યો છે. 

સુપ્રીમ કોર્ટે કહ્યું કે બળવાખોર ધારાસભ્યોની સુરક્ષા સુનિશ્ચિત કરવામાં આવે. સુપ્રીમ કોર્ટે કહ્યું કે 16 ધારાસભ્યોને વિધાનસભામાં આવવાનું કોઇ દબાણ નહીં હોય. કોર્ટે કહ્યું કે કર્ણાટક અને મધ્યપ્રદેશના ડીજીપી બળવાખોર ધારાસભ્યોની સુરક્ષા સુનિશ્ચિત કરે. 

સુપ્રીમ કોર્ટે પોતાના આદેશમાં કહ્યું છે કે વિધાનસભાની કાર્યવાહી લાઇવ પ્રસારણ કરવામાં આવે. કોર્ટે કહ્યું કે વિધાનસભા સત્રનું એક માત્ર એજન્ડા ફ્લોર ટેસ્ટ કરાવવાનો હશે. તમામ અધિકારી એ સુનિશ્ચિત કરે કે કોઇપણ રીતે આદેશનું ઉલ્લંઘન ન કરવામાં આવે. 

બુધવારે સુનાવણીમાં સુપ્રીમ કોર્ટે મધ્યપ્રદેશ વિધાનસભા સ્પીકરને 16 ધારાસભ્યોના રાજીનામા ન સ્વીકારવાનું કારણ પૂછ્યું. બીજી તરફ ભોપાલ અને બેંગલુરુમાં પણ મધ્યપ્રદેશનું રાજકીય નાટક પોતાના ચરમ પર છે.