સલામ / દેશના ત્રીજા મહિલા લેફ્ટનન્ટ જનરલનું બહુમાન મેળવનાર માધુરી કાનિટકર કોણ છે?

• કોણ છે લેફ્ટનન્ટ જનરલ માધુરી?
• માધુરી છેલ્લા 37 વર્ષથી ભારતીય મિલિટ્રીમાં સેવા આપી રહ્યા છે
• બંને પતિ-પત્ની છે બાહોશ

સેનામાં મહિલાઓને કમાંડ પોસ્ટિંગ આપવાના સુપ્રીમના ઐતિહાસિક નિર્ણય બાદ 29મી ફેબ્રુઆરીએ મેજર જનરલ માધુરી કાનિટકરને લેફ્ટનન્ટ જનરલની રેંકમાં પ્રમોશન મળ્યુ છે. 

કોણ છે લેફ્ટનન્ટ જનરલ માધુરી?

માધુરી કાનિટકારના પતિ રાજીવ પણ લેફ્ટનન્ટ જનરલના પદ પર ભારતીય સેનામાં સેવા આપી રહ્યા છે. આ રીતે માધુરી અને રાજીવ દેશના એવા પહેલા પતિ-પત્ની છે જેઓ લેફ્ટનન્ટ જનરલ છે.

માધુરી છેલ્લા 37 વર્ષથી ભારતીય મિલિટ્રીમાં સેવા આપી રહ્યા છે. તેમની ગયા વર્ષે લેફ્ટનન્ટ જનરલ પદ માટે પસંદગી કરવામાં આવી હતી, પરંતુ પદ ખાલી નહીં હોવાથી તેમણે શનિવારે કાર્યભાર સંભાળ્યો હતો.

શું કહે છે માધુરી?

સેનામાં અઘરા અને પડકારજનક જીવનના કારણે અમે અમારા લગ્નનાં 36માંથી ફક્ત 12 વર્ષ જ સાથે પસાર કર્યા છે. મારા પતિએ મને પૂરતો ટેકો આપ્યો અને ક્યારેય હાર માનવા દીધી નથી. 

Delhi: Lieutenant General Madhuri Kanitkar today put on her ranks after her promotion. She is the third woman officer in the Indian armed forces to have become Lieutenant General. She has now been posted to Headquarters, Integrated Defence Staff under the Chief of Defence Staff. pic.twitter.com/JzcckVucmQ

— ANI (@ANI) February 29, 2020

બંને પતિ-પત્ની છે બાહોશ

નેશનલ ડિફેન્સ એકેડેમીમાંથી પાસ આઉટ થતાં રાજીવને રાષ્ટ્રપતિના હસ્તે ગોલ્ડ મેડલ એનાયત કરાયો હતો જ્યારે માધુરીએ પણ પુનામાં આવેલી આર્મ્ડ ફોર્સ મેડિકલ કોલેજમાંથી બેસ્ટ એમબીબીએસના વિદ્યાર્થી તરીકે ગોલ્ડ મેડલ મેળવ્યો હતો. 

કોને કોને મળ્યુ છે આ બહુમાન

નૌસેનામાં પહેલીવાર વાઈસ એડમિરલ ડો. પુનીતા અરોરાએ (રિટાયર્ડ) આ ઉપલબ્ધિ પ્રાપ્ત કરી હતી, જ્યારે વાયુસેનામાં મહિલા એર માર્શલ પદ્માવતી બંદોપાધ્યાય આ પદ પર પહોંચનારા બીજા મહિલા હતા. હવે માધુરિ કાનિટકરે આ સિદ્ધિ મેળવી છે.